9 اگست سے مون سون ہوائیں بحیرہ عرب اور خلیج بنگال سے ملک میں داخل ہوں گی، محکمہ موسمیات


پنجاب میں آج 9 اگست سے 12 اگست تک مون سون بارشوں کی پیش گوئی کی گئی ہے۔
محکمہ موسمیات کے مطابق 9 اگست سے مون سون ہوائیں بحیرہ عرب اور خلیج بنگال سے ملک میں داخل ہوں گی۔ 12 اگست تک کشمیر، وادی نیلم، راولاکوٹ اور باغ میں تیز ہواؤں کے ساتھ وقفے وقفے سے بارش کا امکان ہے۔
موسم کا حال بتانے والوں کا کہنا ہے کہ 9 سے 12 اگست کے درمیان خیبرپختونخوا، بلوچستان، سندھ اور گلگت بلتستان میں بھی تیز ہواؤں اور گرج چمک کے ساتھ بارش ہوسکتی ہے۔
شدید بارشوں کے باعث مری، گلیات، مانسہرہ، کوہستان، دیر، سوات، شانگلہ، صوابی، اسلام آباد، راولپنڈی اور مشرقی پنجاب میں سیلاب کا خطرہ ہے۔
محکمہ موسمیات نے 9 سے 12 اگست کے درمیان ہونے والی بارشوں کے باعث نشیبی علاقے زیرآب آنے کا خدشہ بھی ظاہر کیا ہے۔
پراونشل ڈیزاسٹر مینجمنٹ اتھارٹی (پی ڈی ایم اے) کے ترجمان کے مطابق 10 اور 11 اگست کے دوران جنوبی پنجاب کے بیشتر اضلاع میں آندھی اور گرج چمک کے ساتھ بارش کے امکانات ہیں، لاہور، گجرانوالہ، راولپنڈی، سرگودھا، ملتان، ڈیرہ غازی خان، بہاولپور، فیصل آباد، ساہیوال اور گجرات ڈویژنز میں مون سون بارشیں متوقع ہیں۔
ڈائریکٹر جنرل (ڈی جی) پی ڈی ایم اے عرفان کاٹھیا نے بتایا کہ موسم کی صورتحال کے حوالے سے صوبے بھر کی متعلقہ انتظامیہ کو الرٹ جاری کر دیا گیا ہے۔ وزیراعلیٰ پنجاب مریم نواز کی ہدایات کے پیش نظر متعلقہ محکمے الرٹ رہیں۔ اربن فلڈنگ کے خدشے کے پیش نظر انتظامیہ چوکس رہے اور پیشگی انتظامات مکمل کرلئے۔
عرفان کاٹھیا نے مزید کہا کہ کمشنرز، ڈپٹی کمشنرز (ڈی سیز)، واٹر اینڈ سینی ٹیشن ایجنسی (واسا)، محکمہ آبپاشی، ریسکیو، سول ڈیفنس اور دیگر متعلقہ محکموں کو الرٹ رہنے کی ہدایت کی گئی ہے۔ کنٹرول روم میں 24 گھنٹے صورتحال پر نظر رکھی جا رہی ہے۔
دوسری جانب کراچی شہر میں مطلع جزوی طور پر ابر آلود ہے جس کے باعث شہر میں آج ہلکی بارش اور بوندا باندی کا امکان ظاہر کیا جارہا ہے۔محکمہ موسمیات کے مطابق آج شہر کا کم سے کم درجہ حرارت 28.4 اور زیادہ سے زیادہ 33 ڈگری سینٹی گریڈ تک جا سکتا ہے۔
شہر میں جنوب مغربی سمت سے 14 کلومیٹر فی گھنٹہ کی رفتار سے ہوائیں چل رہی ہیں اور ہوا میں نمی کا تناسب 78 فیصد ریکارڈ کیا گیا ہے۔مون سون ہواؤں کے زیر اثر اندرون سندھ میں آج رات سے 11 اگست تک بارش کا امکان ہے، سندھ میں تیز ہواؤں اور گرج چمک کے ساتھ وقفے وقفے سے بارش کا امکان ہے۔
اگرایران نےامریکی شرائط کو تسلیم نہ کیا تو فوجی کارروائی پہلے سے زیادہ شدید اور سخت ہو گی،ٹرمپ
- 2 hours ago

ٹرمپ کا پاکستان کی درخواست پر فوجی آپریشن ’’پروجیکٹ فریڈم‘‘ کو عارضی طور پرروکنے کا اعلان
- 4 hours ago

پاکستان کی دعوت پر امریکا ایران کا ایک پلیٹ فارم پر آنا عالمی سطح پر اعتماد کا واضح ثبوت ہے، شہباز شریف
- 2 hours ago

عراقچی کی وانگ یی سے ملاقات ،چین نے ایران کے خلاف امریکا و اسرائیلی جنگ کو غیر قانونی قرار دے دیا
- 2 hours ago

معرکۂ حق پاکستان کی فیصلہ کن عسکری برتری اور فولادی قومی اتحاد کا ناقابلِ تردید ثبوت ہے،خواجہ آصف
- 36 minutes ago

سرچ فار جسٹس کے زیر اہتمام ایک روزہ تربیتی ورکشاپ کا انعقاد،نوجوانوں کی بھرپور شرکت
- 2 hours ago
تمام اندرونی و بیرونی چیلنجز کے مدمقابل 'بنیان مرصوص' کی مانند یکجا کھڑے ہیں: چیف آف ڈیفنس فورسز
- a day ago
وزیراعظم کی قابل تجدید توانائی کے فروغ کیلئے جامع حکمت عملی بنانے کی ہدایت
- a day ago

مہنگے سونے کی قیمت میں ایک دفعہ پھر ریکارڈ اضافہ، فی تولہ کتنے کا ہو گیا؟
- 4 hours ago

امریکی صدر نے آبنائے ہرمز میں پراجیکٹ فریڈم روک کر جرأت مندانہ قیادت کا مظاہرہ کیا،وزیر اعظم
- 4 hours ago

امریکا کی 14 نکاتی امن تجاویز کا جائزہ لے رہے ہیں، ایرانی وزرات خارجہ
- 4 hours ago
اسلام آباد ہائی کورٹ نے یوٹیوبر رجب بٹ کا نام پاسپورٹ کنٹرول لسٹ سے نکالنے کا حکم دے دیا
- a day ago










