پاکستان
ایران میں پاکستانی زائرین کی بس کو حادثہ ، 35 افراد جاں بحق،15 زخمی
ایرانی میڈیا کے مطابق یہ حادثہ دہشیر تفتان چیک پوائنٹ کے قریب بس کے بریک فیل ہونے کی وجہ سے پیش آیا
![ایران میں پاکستانی زائرین کی بس کو حادثہ ، 35 افراد جاں بحق،15 زخمی](/media/115553/conversions/BusAccident-1280x720.jpg)
یزد : ایران کے شہر یزد میں پاکستانی زائرین کی ایک بس حادثے کا شکار ہو گئی جس کے نتیجے میں 35 پاکستانی شہری جاں بحق ہو گئے اور 15 زخمی ہو گئے۔
ایرانی میڈیا کے مطابق یہ حادثہ دہشیر تفتان چیک پوائنٹ کے قریب بس کے بریک فیل ہونے کی وجہ سے پیش آیا۔ بس کے الٹ جانے کے بعد اس میں آگ لگ گئی جس کے باعث جانی نقصان زیادہ ہوا۔
حادثے کا شکار ہونے والی بس میں سوار 53 مسافروں میں سے زیادہ تر کا تعلق لاڑکانہ اور گھوٹکی سے تھا۔ یہ تمام زائرین ایران میں زیارت کے لیے گئے ہوئے تھے۔
حادثے کی اطلاع ملتے ہی مقامی امدادی ٹیمیں موقع پر پہنچ گئیں اور زخمیوں کو ہسپتال منتقل کیا گیا۔ حادثے کے بعد قریبی ہسپتالوں میں ایمرجنسی نافذ کر دی گئی۔
صدر مملکت آصف علی زرداری نے ایران میں پاکستانی زائرین کی بس کے المناک حادثے پر دلی رنج وغم کا اظہار کیا ہے۔
بدھ کو ایوان صدر کے پریس وِنگ سے جاری بیان کے مطابق صدر مملکت نے حادثے میں قیمتی انسانی جانوں کے ضیاع پر اظہار افسوس کرتے ہوئے جاں بحق افراد کے لئے دعا ئےمغفرت اور لواحقین کےلئے صبر جمیل کی دعا کی۔ صدر مملکت نے وزارت خارجہ کو میتوں کو پاکستان لانے اور زخمیوں کو بروقت امداد پہنچانے کی ہدایت بھی کی۔
علاوہ ازیں سپیکر قومی اسمبلی سردار ایاز صادق نے ایران کے شہر یزد میں پاکستانی زائرین کی بس کو پیش آنے والے حادثہ میں ہونے والے جانی نقصان پر گہرے دکھ اور افسوس کا اظہار کیا ہے ۔
بدھ کو اپنے ایک بیان میں انہوں نے بس حادثے میں جاں بحق ہونے افراد کے لواحقین سے دلی ہمدردی اور تعزیت کا اظہارکیا اور کہا کہ دکھ کی اس گھڑی میں غمزدہ خاندانوں کے دکھ میں برابر کا شریک ہوں۔
سپیکر نے حادثے میں جاں بحق ہونے والوں کی مغفرت اور لواحقین کو صبر جمیل عطا فرمائے کی دعا کی ۔ انہوں زخمیوں کو جلد صحت یابی کی دعا بھی کی ۔
تجارت
وفاقی حکومت کا یوٹیلیٹی سٹورز کارپوریشن بند کرنےکا فیصلہ
وفاقی حکومت نے یوٹیلیٹی سٹورز کو بند کرنے کیلئے دو ہفتے کا وقت دیا ،ہزاروں ملازمین کی نوکریاں خطرے میں پڑ گئیں
![وفاقی حکومت کا یوٹیلیٹی سٹورز کارپوریشن بند کرنےکا فیصلہ](/media/115787/conversions/UtilityStore-1280x720.jpg)
لاہور :وفاقی حکومت کے یوٹیلیٹی سٹورز کارپوریشن بند کرنے کا فیصلہ کر لیا۔اس فیصلے سے نہ صرف ہزاروں ملازمین کی نوکریاں خطرے میں پڑ گئی ہیں بلکہ غریب عوام کو بھی مہنگائی کی ایک نئی لہر کا سامنا کرنا پڑے گا۔
وفاقی حکومت نے یوٹیلیٹی سٹورز کو بند کرنے کیلئے دو ہفتے کا وقت دیا ہے۔ اس فیصلے کے بعد یوٹیلیٹی سٹورز کے ملازمین میں شدید تشویش پائی جا رہی ہے کیونکہ اس سے ان کی روزگار پر برا اثر پڑے گا۔ یوٹیلیٹی سٹورز کے 6 ہزار ملازمین مستقل ہیں جبکہ دیگر کنٹریکٹ اور ڈیلی ویجز پر ہیں۔
اس حوالے سے سیکرٹری صنعت و پیداوار نے کہا ہے کہ وفاقی حکومت یوٹیلیٹی سٹورز کو بند کرنے کا فیصلہ کر رہی ہے۔ اس کی وجہ یہ بتائی جا رہی ہے کہ حکومت کے پاس یوٹیلیٹی سٹورز کو چلانے کے لیے کافی فنڈز نہیں ہیں۔
ائٹ سائزنگ کمیٹی نے تجاویز تیار کی ہیں جس میں مختلف وزارتیں بھی شامل ہیں، وفاقی حکومت کے پاس پیسے نہیں ہیں جس کے باعث یہ فیصلہ کیا جا رہا ہے۔
ان کا کہنا تھا کہا کہ رائٹ سائزنگ کمیٹی کی دیگر اداروں کو بند کرنے تجویز کی حتمی منظوری وفاقی کابینہ دے گی،کابینہ کی منظوری کے بعد جو ٹائم لائن طے ہوگا اس کے مطابق سٹورز بند ہو جائیں گے۔
یوٹیلیٹی سٹورز بند ہونے سے ملک میں مہنگائی میں مزید اضافے کا خدشہ ہےاور ہزاروں ملازمین کی نوکریاں خطرے میں پڑ گئی ہیں۔ یوٹیلیٹی سٹورز کے 6 ہزار ملازمین مستقل ہیں جبکہ دیگر کنٹریکٹ اور ڈیلی ویجز پر ہیں۔
جرم
کارساز حادثے کی ایک اور سی سی ٹی وی فوٹیج سامنے آگئی
فوٹیج میں واضح طور پر دیکھا جاسکتا ہے کہ ملزمہ کی گاڑی کی رفتار انتہائی زیادہ تھی
![کارساز حادثے کی ایک اور سی سی ٹی وی فوٹیج سامنے آگئی](/media/115771/conversions/CarSaz-1280x720.jpg)
کراچی: کارساز سروس روڈ پر پیش آنے والے دلخراش حادثے کی نئی سی سی ٹی وی فوٹیج سامنے آئی ہے جس میں خاتون ملزمہ نتاشہ دانش کو پہلے ایک سفید رنگ کی کرولا گاڑی اور ایک موٹر سائیکل کو ٹکر مارتے ہوئے فرار ہوتے ہوئے دکھایا گیا ہے۔
فوٹیج میں واضح طور پر دیکھا جاسکتا ہے کہ ملزمہ کی گاڑی کی رفتار انتہائی زیادہ تھی۔ تفتیشی حکام کے مطابق خاتون نے اسی روڈ پر پہلے ایک سفید رنگ کی کرولا گاڑی کو بھی ٹکر ماری تھی، ملزمہ کی گاڑی نے کرولا گاڑی کے عقبی دروازے کو ہٹ کیا، کرولا گاڑی کے پیچھے موجود موٹر سائیکل پر سوار دو افراد کو بھی ہٹ کیا جس سے وہ سڑک پر گر پڑے۔
ایک اور سی سی ٹی وی فوٹیج سامنے آگئی!!#GNN #BreakingNews #NewsUpdates #GNN_Updates pic.twitter.com/wJbs0kJfTc
— GNN (@gnnhdofficial) August 23, 2024
سی سی ٹی وی فوٹیج میں دیکھا جاسکتا ہے کہ ملزمہ نتاشا تیزی سے گاڑی چلاتے ہوئے وہاں سے فرار ہو گئی اور اسی روڈ پر آگے جا کر موٹر سائیکل سوار باپ اور بیٹی کو روند ڈالا تھا۔
پولیس ذرائع کے مطابق نتاشہ دانش نے پہلے حادثے کے بعد گھبراہٹ میں آکر تیزی سے گاڑی چلائی اور اسی وجہ سے دوسرا حادثہ پیش آیا۔
صحت
پنجاب: 24 گھنٹوں میں ڈینگی کے مزید 8 کیسز رپورٹ
ایک ہفتے میں 36 کیسز جبکہ رواں سال اب تک ڈینگی کے 296 کیسز رپورٹ ہوئے ہیں، ترجمان محکمہ صحت
![پنجاب: 24 گھنٹوں میں ڈینگی کے مزید 8 کیسز رپورٹ](/media/115768/conversions/Dengue-1280x720.jpg)
پنجاب میں ڈینگی کے کیسز میں اضافے کا سلسلہ جاری ہے۔ پنجاب میں گزشتہ 24 گھنٹوں کے دوران ڈینگی کے 8 کیسز سامنے آ گئے۔
ترجمان محکمہ صحت کے مطابق ایک ہفتے میں 36 کیسز جبکہ رواں سال اب تک ڈینگی کے 296 کیسز رپورٹ ہوئے ہیں۔
ڈینگی کیسز میں اضافہ ہو گیا!!#GNN #BreakingNews #NewsUpdates #GNN_Updates pic.twitter.com/NCui9GqDQk
— GNN (@gnnhdofficial) August 23, 2024
گزشتہ 24 گھنٹوں میں لاہور سے 2 جبکہ راولپنڈی میں 3 کیسز رپورٹ ہوئے ہیں۔اس کے علاوہ اکاڑہ ، ساہیوال، رحیم یار خان سے ایک ایک کیس رپورٹ ہوا۔
ترجمان کا کہنا ہے کہ تمام سرکاری ہسپتالوں میں ڈینگی سمیت دیگر ادویات کا اسٹاک موجود ہے۔
-
پاکستان 2 گھنٹے پہلے
فیڈرل بورڈ : انٹرمیڈیٹ کے سالانہ امتحانات کے نتائج کا اعلان
-
پاکستان ایک دن پہلے
پنجاب میں 22 سے 24 اگست تک دفعہ 144 نافذ
-
ٹیکنالوجی 2 دن پہلے
ٹیلی نار نے صارفین کی سہولت کیلئے ای سم متعارف کرادی
-
تجارت ایک دن پہلے
بجلی صارفین کو ریلیف پیکج کیلئے پنجاب حکومت نےسمری وفاق کو بھجوا دی
-
تجارت ایک دن پہلے
رواں سال دسمبر تک تمام کرنسی نوٹوں کو تبدیل کرنے کا فیصلہ
-
جرم 2 دن پہلے
کراچی میں کار ساز روڈ حادثہ کی ابتدائی پولیس تحقیقات مکمل
-
پاکستان 20 گھنٹے پہلے
مبارک ثانی کیس : سپریم کورٹ نے متناذعہ پیراگراف فیصلے سے حذف کردیے
-
جرم ایک دن پہلے
اٹک میں نامعلوم افراد کی سکول وین پر فائرنگ: دو بچے جاں بحق