کھیل
ٹی ٹونٹی : پہلی بار ایک میچ میں 3 سپر اوورز کا ریکارڈ قائم
میچ کا فیصلہ کرنے کیلئے پہلا سپر اوور کرایا گیا جس میں بنگلورو بلاسٹرز نے ایک وکٹ کے نقصان پر 10 رنز بنائے، جواب میں ہبلی ٹائگرز بھی 10 رنز ہی بناسکی اور میچ برابر ہوگیا
بنگلورو: ٹی 20 کرکٹ میں پہلی بار ایک میچ میں 3 سپر اوورز کا ریکارڈ قائم ہوگیا۔
بھارت میں کرناٹک کرکٹ ایسوسی ایشن کے زیر اہتمام مہاراجہ ٹرافی میں ہبلی ٹائیگرز اور بنگلورو بلاسٹرز کا میچ مقررہ اوورز میں برابر رہا جس کے بعد مزید دو سپر اوورز میں بھی میچ کا فیصلہ نہ ہوسکا تاہم تیسرے سپر اوور میں ہبلی ٹائیگرز بلآخر بنگلورو بلاسٹرز کو شکست دینے میں کامیاب ہوگئی۔
میچ کا فیصلہ کرنے کیلئے پہلا سپر اوور کرایا گیا جس میں بنگلورو بلاسٹرز نے ایک وکٹ کے نقصان پر 10 رنز بنائے، جواب میں ہبلی ٹائگرز بھی 10 رنز ہی بناسکی اور میچ برابر ہوگیا۔
میچ کے دوران ہبلی ٹائگرز نے پہلے بیٹنگ کرتے ہوئے 164 رنز بنائے اور بنگلورو بلاسٹرز کو جیت کیلئے 165 رنز کا ہدف دیا تھا تاہم جواب میں بنگلورو بلاسٹرز بھی مقررہ 20 اوورز میں 164 رنز بناسکی۔
دوسرے سپر اوور میں ہبلی ٹائگرز نے 8 رنز بنائے اور بنگلورو بلاسٹرز کو جیت کیلئے 9 رنز کا ہدف دیا تاہم دوسرے سپر اوور میں بنگلورو بلاسٹرز بھی 8 رنز بناسکی اور میچ ایک بار پھر برابر ہوگیا۔
تیسرے سپر اوور میں بنگلورو بلاسٹرز نے ایک وکٹ کے نقصان پر 12 رنز بنائے جس کے جواب میں ہبلی ٹائگرز نے 13 رنز بناکر میچ جیت لیا۔
دنیا
بنگلہ دیش میں سپریم کورٹ کے سابق جج شمس الدین چوہدری پر عوام نے انڈوں اور جوتوں کی بارش کردی
لوگوں نے سابق جج کو دیکھتے ہی ان کے خلاف خوب نعرے بازی کی جبکہ بعض افراد نے ان پر انڈے اور جوتوں سے حملہ کیا
ڈھاکہ: بنگلہ دیش میں سپریم کورٹ کے سابق جج شمس الدین چوہدری پر عوام نے انڈوں اور جوتوں کی بارش کر دی۔
میڈیا رپورٹس کے مطابق سابق وزیر اعظم حسینہ واجد کے حامی اپیلیٹ ڈویژن کے سابق جج شمس الدین چوہدری کو گزشتہ روز بھارت فرار ہونے کی کوشش کے دوران گرفتار کیا گیا۔
پولیس آج شمس الدین چوہدری کو ہیلمٹ اور بلٹ پروف جیکٹ پہنا کر عدالت میں پیشی کیلیے لائی جہاں سماجی کارکن، سیاسی رہنما اور عوام کی بڑی تعداد جوجود تھی۔
ایک پولیس آفیسر نے بتایا کہ ملزم کو مقامی پولیس نے دفعہ 54 کے تحت متعدد تھانوں میں قتل اور دیگر الزامات کے تحت درج مقدمات میں گرفتار کیا۔
لوگوں نے سابق جج کو دیکھتے ہی ان کے خلاف خوب نعرے بازی کی جبکہ بعض افراد نے ان پر انڈے اور جوتوں سے حملہ کیا۔
انہوں نے بتایا کہ عدالت نے ہدایت کی ہے کہ ملزم کو بحیثیت سابق جج تمام سہولیات فراہم کی جائیں۔
گزشتہ روز سابق جج کو بارڈر گارڈ بنگلہ دیش (بی جی بی) نے غیر قانونی طور پر سرحد پار کرنے کی کوشش کرتے ہوئے گرفتار کیا تھا۔
پاکستان
اقوام متحدہ کی رپورٹ اسرائیل کی جانب سے فلسطینیوں کی نسل کشی کا نیا ثبوت ہے، وزیر اعظم
اسرائیلی جبر و ستم کی شدت کا اندازہ صرف دو روز میں ایک لاکھ چھیالیس ہزار فلسطینیوں کی ان کے گھروں سے غیر منصفانہ جبری بے دخلی سے لگایا جا سکتا ہے
وزیراعظم شہباز شریف نے غزہ میں فلسطینیوں کی ان کی سرزمین سے جبری بے دخلی اور بچوں کی غذائی قلت کے حوالے سے اقوام متحدہ کے انسانی امدادی امور کے دفتر کی حالیہ رپورٹ کے بعد عالمی برادری سے فوری اقدام کرنے کا مطالبہ کیا ہے۔
وزیراعظم نے ایک بیان میں کہا کہ اقوام متحدہ کی تازہ رپورٹ اسرائیل کی جانب سے مظلوم فلسطینیوں کی نسل کشی کا نیا ثبوت ہے۔
انہوں نے کہا اقوام متحدہ کی رپورٹ سے تصدیق ہوتی ہے کہ وہاں ایک دن بھی ایسا نہیں جب بے گناہ فلسطینیوں کا خون نہ بہایا گیا ہو اور بچے اسرائیل کا سب سے بڑا ہدف ہیں۔
وزیراعظم نے کہا کہ اگست کے مہینے میں ڈھائی لاکھ فلسطینیوں کی ان کے گھروں سے جبری بے دخلی عالمی اداروں، عالمی ضمیر اور بین الاقوامی قانون کیلئے ایک چیلنج ہے۔
اسرائیلی جبر و ستم کی شدت کا اندازہ صرف دو روز میں ایک لاکھ چھیالیس ہزار فلسطینیوں کی ان کے گھروں سے غیر منصفانہ جبری بے دخلی سے لگایا جا سکتا ہے۔
انہوں نے کہا کہ اقوام متحدہ کے ادارے کی رپورٹ سے تصدیق ہوتی ہے کہ ایک جانب مہلک ہتھیاروں سے فلسطینیوں کی نسل کشی جاری ہے تو دوسری جانب بھوک کو بطور ہتھیار استعمال کیا جا رہا ہے۔
انہوں نے کہا کہ انسانیت کے قاتلوں کو سزا ملنی چاہئے اور مظلوموں کا تحفظ ہونا چاہئے۔
وزیراعظم نے فلسطینیوں، خصوصاً بچوں کیلئے خوراک کی ترسیل میں تیزی لانے کے پاکستان کے عزم کا اظہار کیا۔
پاکستان
ایکسپو سینٹر لاہور میں نویں کلر اینڈ کیمیکل نمائش کا افتتاح کر دیا گیا
ری اسٹرکچرنگ کی جا رہی ہے۔ ایکسپو سینٹر پہنچنے پر نمائش کے کنوینر عبدالرحیم چغتائی، آرگنائزر راشد الحق اور دیگر نے ان کا استقبال کیا
لاہور: وفاقی وزیر صنعت رانا تنویر حسین نے ایکسپو سینٹر لاہور میں نویں کلر اینڈ کیمیکل نمائش کا افتتاح کر دیا۔
میڈیا سے گفتگو کرتے ہوئے ان کا کہنا تھا کہ میان شہباز شریف معیشت کی بحالی کے لیے کام کر رہے ہیں۔ مہنگائی کچھ کم ہوئی ہے۔ یوٹیلیٹی اسٹورز بند نہیں کر رہے۔
ری اسٹرکچرنگ کی جا رہی ہے۔ ایکسپو سینٹر پہنچنے پر نمائش کے کنوینر عبدالرحیم چغتائی، آرگنائزر راشد الحق اور دیگر نے ان کا استقبال کیا۔ فیتا کاٹ کر وفاقی وزیر صنعت نے نمائش کا افتتاح کیا۔ منتظمین نے انہیں اسٹالز کا دورہ کرایا۔ نمائش میں چین، ملائیشیا، ترکی، ایران کی کمپنیاں اور نمائندے شرکت کر رہے ہیں۔
نمائش ایونٹ اینڈ کانفرنس انٹرنیشنل، رینبو گروپ اور پنجاب ڈائز اینڈ کیمیکل مرچنٹس ایسوسی ایشن کی جانب سے منعقد کی گئی ہے۔ افتتاحی تقریب میں صنعتکار الطاف اے غفار، محمد صلاح الدین، چیئرمین چائنا ڈائی اسٹفز انڈسٹری ایسوسی ایشن مسٹر شی ژیان پنگ بھی شامل تھے۔ اس دوران وہ غیر ملکی نمائش کنندگان سے ملتے رہے اور ان کی خیریت دریافت کی۔ اسٹالز کے دورے کے بعد میڈیا سے گفتگو کرتے ہوئے رانا تنویر حسین نے کہا کہ اس وقت پاکستان کو ایکسپورٹ بڑھانے کی سخت ضرورت ہے۔ یہ والیم صرف تیس بلین ڈالر ہے جبکہ امپورٹ اس سے کہیں زیادہ ہے۔ وزیراعظم نے کامرس منسٹری کو ٹارگٹ دیا ہے کہ ایکسپورٹس کو تین سال میں ساٹھ ارب ڈالرز پر لے کر جانا ہے۔ اس وقت ہمارا ایجنڈا معیشت کو دوبارہ پاؤں پر کھڑا کرنا ہے۔
2017میں جب نواز شریف وزیر اعظم تھے تو پاکستان دنیا کی چوبیس ویں معیشت تھا۔ پھر ہماری معیشت چالیس پر چلی گئی۔ اس وقت بجلی کے ریٹ بہت زیادہ ہیں ہماری کوشش ہے اس پر کام کریں۔ ایک سوال کے جواب میں ان کا کہنا تھا کہ سبسڈی سو فیصد صحیح لوگوں کو نہیں مل رہی۔ وزیراعظم کی ترجیح زراعت ہے۔ لوگوں کو ٹریکٹرز دے رہے ہیں۔ سب نے دیکھا کہ کس طرح سازش کی گئی، بانی پی ٹی آئی کہتے تھے کہ مجھے نکالا تو میں اور زیادہ خطرناک ہو جاؤں گا۔ چیزیں جب سامنے آئیں گی تو کردار بھی سامنے آجائیں گے۔ وفاقی وزیر نے نمائش کے انعقاد کو سراہا۔ میڈیا سے گفتگو کرتے ہوئے نمائش کے کنوینر عبدالرحیم چغتائی نے بتایا کہ نمائش میں تین سو سے زائد کمپنیاں شریک ہیں۔ انہوں نے نمائش کنندگان جس بھی شکریہ ادا کیا۔
-
پاکستان 2 دن پہلے
مبارک ثانی کیس : سپریم کورٹ نے متناذعہ پیراگراف فیصلے سے حذف کردیے
-
پاکستان 2 دن پہلے
آپریشن عزم استحکام کیلئے 20 ارب روپے گرانٹ کی منظوری
-
پاکستان 2 دن پہلے
اسلام آباد میں سیاسی جلسے کے پیش نظر سخت سکیورٹی کے انتظامات، سکول بند
-
دنیا ایک دن پہلے
نیپال کے صوبہ گنداکی میں بھارتی مسافر بس الٹنے سے 14 افراد ہلاک
-
پاکستان ایک دن پہلے
فیڈرل بورڈ : انٹرمیڈیٹ کے سالانہ امتحانات کے نتائج کا اعلان
-
جرم 2 دن پہلے
اٹک میں نامعلوم افراد کی سکول وین پر فائرنگ: دو بچے جاں بحق
-
پاکستان 5 گھنٹے پہلے
اسلام آباد : بلدیاتی الیکشن مؤخر ہونے کا خطرہ
-
تجارت 2 دن پہلے
رواں سال دسمبر تک تمام کرنسی نوٹوں کو تبدیل کرنے کا فیصلہ