کوشش ہے ایسی پرفارمنس دوں کہ ورلڈ کپ کیلئے قومی ٹیم کی مجبوری بن جاؤں : کرکٹرافتخار احمد

رپورٹ : انس سعید

جی این این کو ویڈیو لنک  پرانٹرویو دیتے ہوئے افتخار  احمد نے  کہا کہ  پی ایس ایل کےشروع کے میچز میں رنز کم بن رہے تھے اب وکٹس بہتر ہو رہی ہیں تو رنز زیادہ بنیں گے۔ کولن منرو کے ساتھ مشکل ٹائم میں پارٹنرشپ لگی جس کا ٹیم کو فائدہ ہوا منرو نے مشورہ دیا تھا کہ بڑے ہدف کو نہیں دیکھنا، بس سات سے آٹھ چھکے مارنے ہیں سب ٹھیک ہو جائے گا بطور پروفیشنل کسی بھی نمبر پر کھیلنا پڑتا ہےلیکن چوتھے نمبر پر آرام دہ محسوس کرتا ہوں۔

دائیں ہاتھ کے بیٹسمین افتخار احمد کا کہنا تھا کہ ایسے کھلاڑی بھی ہیں جو ساٹھ تک میچز کھیل چکے لیکن ایک مین آف دی میچ نہیں ہے میں ون ڈے انٹرنیشنل میں دو مرتبہ مین آف دی میچ قرار پایا ٹی ٹونٹی انٹرنیشنل کرکٹ میں سات سے دسویں نمبر تک موقع ملا ہے انٹرنیشنل کرکٹ میں ایک آدھے میچ کے علاوہ بھر پور موقع نہیں ملا لوگ تنقید کرتے ہیں تو کریں لیکن ٹی ٹونٹی میں میرے رنز اور ایوریج ابھی بھی سب سے اوپر ہی ہیں.

کراچی کنگز کے خلاف میچ  کےدوران فاسٹ بولر محمد عامر کے ساتھ  جھڑپ ہونے کے سوال پر افتخار  احمد نے کہا کہ مشکل میچ میں کھلاڑیوں کی آپس میں نوک جھونک ہو جاتی ہےمحمد عامر کے ساتھ گرمی سردی ہیٹ آف دی مومنٹ تھی اس طرح کے واقعات کرکٹ کی خوبصورتی ہوتے ہیں محمد عامر سے کوئی ناراضگی نہیں، وہ اب بھی میرے اچھے دوست ہیں۔

اپنی عمر کے حوالے سے سوشل میڈیا پر ہونے والی بحث پر افتخار احمد نے کہا کہ  لوگ تو باتیں کرتے ہیں، لوگوں کے پاس اور ہے ہی کیا؟ گراؤنڈ کی پرفارمنس کے علاوہ لوگ جو بھی باتیں کرتے ہیں وہ ان  کے لیے معنی نہیں رکھتیں ۔ہمیشہ اس سوچ کےساتھ محنت کرتا ہوں کہ ملک کی طرف سے کھیلوں، کوشش ہے ایسی پرفارمنس دوں کہ ورلڈ کپ کے لیے قومی ٹیم کی مجبوری بن جاؤں، پر امید ہوں ٹی ٹونٹی ورلڈ کپ میں پاکستان کی نمائندگی کروں گا۔