ہیڈ کانسٹیبل ہزاروں روپے لیتے اینٹی کرپشن کے ہتھے چڑھ گیا

تفصیلات کے مطابق  اینٹی کرپشن لاہور ریجن بی میں کرپشن کے کیس میں سابق ہیڈ کانسٹیبل علی احمد کو عدالت  کی جانب سے سزا سُنا دی گئی ۔ ملزم علی احمد کو سپیشل جج اینٹی کرپشن راجہ محمد ارشد جرم ثابت ہونے پر سزا دی ۔ ملزم علی محمد کو پی پی سی سیکشن 161 کے تحت دو سال قید اور دس ہزار جرمانہ کی سزا ہوئی۔

ملزم کو سیکشن 5(2) 1947 کے تحت دو سال سزا با مشقت اور دس ہزار جرمانہ ہوا۔ مجموعی طور پر ملزم علی محمد کو چار سال قید با مشقت اور بیس ہزار جرمانہ کی سزا سنائی گئی۔ملزم علی محمد کے خلاف عدالت کی جانب سے مقدمہ نمبر 13/2018 میں سزائیں سنائی گئی۔ سزا کی رقم کی عدم ادائیگی کی صورت میں ملزم کو مزید دو ماہ جیل میں گزارنا ہوں گے۔

جبکہ اینٹی کرپشن اوکاڑہ نے تھانہ حجرہ شاہ مقیم سے چھوٹا تھانیدار فتح شیر گرفتار کر لیا۔اے ایس آئی فتح شیر کو مدعی سے پندرہ ہزار رشوت لیتے رنگے ہاتھوں گرفتار کیا گیا۔ ملزم کو سرکل آفیسر اوکاڑہ نے مجسٹریٹ کی موجودگی میں گرفتار کیا۔

 ملزم کے خلاف تھانہ اینٹی کرپشن اوکاڑہ میں مقدمہ نمبر 17/2021 درج کر کے حوالات میں بند کردیا گیا۔ اس حوالے سے ڈی جی اینٹی کرپشن پنجاب محمد گوہر نفیس کا کہنا تھا کہ پنجاب بھر میں کرپٹ افسران کے خلاف بلا امتیاز کاروائیاں جاری ہیں۔