اسرائیل پر پابندیاں لگانے میں ناکامی پرڈچ وزیر خارجہ مستعفی

ایمسٹر ڈیم: ڈچ وزیرِ خارجہ سپر ویلڈکیمپ نے اسرائیل کے خلاف غزہ پر فوجی یلغار کے باعث مزید پابندیاں عائد کرنے کے لیے کابینہ کی حمایت حاصل نہ ہونے پر استعفیٰ دے دیا۔

غیر ملکی میڈیا رپورٹس کے مطابق وزیرِخارجہ کیسپر ویلڈ کیمپ سمیت دیگر وزراء نے غزہ میں جاری اسرائیلی فوجی کارراوئیوں کے معاملے پر اسرائیل کے خلاف مزید سخت پابندیاں لگانے کے حق میں کابینہ کی طرف سے حمایت نہ ملنے پر اپنی وزارتوں سے استعفیٰ دے دیا ہے۔

ویلڈ کیمپ کہا کہ وہ مؤثر اقدامات پر اتفاق رائے حاصل نہیں کر سکے اور انہیں پہلے سے موجود پابندیوں پر بھی بار بار ساتھیوں کی مخالفت کا سامنا کرنا پڑا۔

میڈیا رپورٹ کے مطابق وزیر خارجہ کے استعفے کے بعد نیو سوشل کنٹریکٹ جماعت سے تعلق رکھنے والے تمام وزراء اور ریاستی سیکرٹریوں نے بھی یکجہتی کے طور پر نگراں حکومت سے استعفیٰ دے دیا ہے۔

میڈیا رپورٹ کے مطابق ان کے استعفے کے بعد نیدرلینڈز کی ڈچ وزارتِ خارجہ سربراہ کے بغیر کام کر رہی ہے، ایسے وقت میں جب یورپی یونین یوکرین کو سیکیورٹی ضمانتیں دینے اور امریکا کے ساتھ ٹیرف کے حوالے سے مذاکرات میں مصروف ہے۔

خیال رہے کہ کیسپر ویلڈ کی کوششوں کے نتیجے میں اسرائیلی دائیں بازوں سے تعلق رکھنے والے وزراء پر نیدرلینڈز میں داخل ہونے پر پابندی عائد کی گئی تھی۔

اس موقع پر صحافیوں سے بات کرتے ہوئے ان کا کہنا تھاکہ غزہ میں زمین پر جو کچھ ہو رہا ہے، میں دیکھ رہا ہوں، غزہ سٹی پر حملہ، مغربی کنارے میں کارروائیاں، متنازعہ سیٹلمنٹ ای 1 کی منظوری، اور مشرقی یروشلم کے حالات دیکھ رہا ہوں۔