ٹیکنالوجی
ایکس کی سروس میں تقریباً ایک گھنٹے کی خرابی کے بعد بحال
خرابی کے دوران امریکہ، برطانیہ اور کینیڈا میں لاکھوں صارفین متاثر ہوئے تھے
دنیا بھر میں مقبول سوشل میڈیا پلیٹ فارم ایکس کی سروس میں تقریباً ایک گھنٹے کی خرابی کے بعد بحال ہو گئی ہے۔ اس دوران امریکہ، برطانیہ اور کینیڈا میں لاکھوں صارفین متاثر ہوئے تھے۔
آؤٹج ٹریکنگ ویب سائٹس کے مطابق امریکہ میں سب سے زیادہ 36,500 سے زائد ایکس بندش کی شکایات رپورٹ ہوئیں، جبکہ کینیڈا میں 3,300 سے زائد اور برطانیہ میں 1,600 سے زائد شکایات سامنے آئیں۔
اس خرابی کی وجہ ابھی تک واضح نہیں ہو سکی ہے۔ تاہم ماہرین کا کہنا ہے کہ یہ کسی تکنیکی خرابی یا سسٹم میں خرابی کی وجہ سے ہو سکتا ہے۔
دوسری جانب پاکستان میں ایکس کی سروس کو حکومت کی جانب سے بند کر رکھا ہے۔ اس کے باوجود ملک میں لاکھوں لوگ وی پی این کا استعمال کرتے ہوئے ایکس اور دیگر سوشل میڈیا سروسز تک رسائی حاصل کرتے ہیں۔
پاکستان
میاں نواز شریف کا لندن جانے کا امکان
نواز شریف ستمبر کے آخری یا اکتوبر کے پہلے ہفتے میں لندن روانہ ہو سکتے ہیں، ذرائع
لاہور : پاکستان مسلم لیگ (ن) کے صدر میاں نواز شریف کا لندن جانے کا امکان ہے۔
ذرائع کےمطابق نواز شریف ستمبر کے آخری یا اکتوبر کے پہلے ہفتے میں لندن روانہ ہو سکتے ہیں۔ میاں نواز شریف نے ذاتی معالجوں اور اہل خانہ سے مشاورت سے لندن جانے کا فیصلہ کیا ہے۔
ذرائع کے مزید کہنا تھا کہ میاں نواز شریف لندن میں اپنے معالجین سے معمول کا چیک اپ کرائیں گے۔
پاکستان
وفاقی حکومت کا سپریم کورٹ کے ججز کی تعداد بڑھا کر 23 کرنے کا فیصلہ
حکومت نے سپریم کورٹ ( ججزتعداد ) ترمیمی بل قومی اسمبلی سیکرٹریٹ میں جمع کروا دیا
وفاقی حکومت نے زیر التوا مقدمات کی تعداد میں اضافے کے باعث چیف جسٹس سمیت سپریم کورٹ کے ججز کی تعداد بڑھا کر 23 کرنے کا فیصلہ کر لیا ہے۔
حکومت نے عدلیہ سے متعلق اہم قانون سازی کا فیصلہ کرتے ہوئے 1997 ایکٹ میں ترمیم کے ذریعے سپریم کورٹ ( ججزتعداد ) ترمیمی بل قومی اسمبلی سیکرٹریٹ میں جمع کروا دیا ہے۔
حکومتی رکن بیرسٹر دانیال چوہدری کے مجوزہ بل کے مندرجات بھی سامنے آ گئے ہیں جن کے مطابق ججز کی تعداد میں اضافے سے کیسز کی بر وقت سماعت اور فیصلوں کو یقینی بنایا جا سکے گا۔ ججز کی تعداد بڑھانے سے کسی جج پر غیر ضروری دباؤ میں کمی ہو گی۔
واضح رہے کہ اس وقت عدالت عظمیٰ میں چیف جسٹس اور 2 ایڈہاک ججز سمیت اس وقت ججز کی کل تعداد 19 ہے۔
علاقائی
ڈرائیونگ لائسنس کے حصول کیلئے بڑا ریلیف
ڈرائیونگ ٹیسٹ میں فیل ہونے والے امیدواروں کو بڑی سہولت فراہم کی گئی ہے
لاہور : پنجاب کے شہریوں کے لیے ڈرائیونگ لائسنس حاصل کرنا اب پہلے سے کہیں زیادہ آسان ہو جائے گا۔
آئی جی پنجاب کے حکم پر ڈرائیونگ ٹیسٹ میں فیل ہونے والے امیدواروں کو بڑی سہولت فراہم کی گئی ہے۔
سی ٹی او لاہور عمارہ اطہر نے بتایا ہے کہ روڈ ٹیسٹ میں فیل ہونے والے امیدواروں کو اب 42 دن انتظار کرنے کی ضرورت نہیں ہوگی بلکہ وہ صرف 15 دن بعد دوبارہ ٹیسٹ دے سکتے ہیں۔ اس سے قبل سائن ٹیسٹ میں فیل ہونے والے امیدواروں کو یہ سہولت پہلے سے ہی حاصل تھی۔
عمارہ اطہر نے مزید کہا کہ شہریوں کے قیمتی وقت کو مدنظر رکھتے ہوئے پنجاب موٹر وہیکل رولز 1969 میں ترمیم کی گئی ہے۔ اب سائن ٹیسٹ اور روڈ ٹیسٹ دونوں میں فیل ہونے والے امیدوار 15 دن بعد دوبارہ ٹیسٹ دے سکتے ہیں۔
انہوں نے بتایا کہ ٹیسٹ کے دوران تمام امیدواروں کی روڈ ٹیسٹ اور سائن ٹیسٹ کی ویڈیوز محفوظ کی جاتی ہیں تاکہ لائسنسنگ کے عمل میں شفافیت اور میرٹ کو یقینی بنایا جا سکے۔
-
علاقائی ایک دن پہلے
سندھ میں مفرور اساتذہ کیخلاف کریک ڈاؤن، نوکریوں سے برطرفی کا فیصلہ
-
پاکستان ایک گھنٹہ پہلے
میاں نواز شریف کا لندن جانے کا امکان
-
دنیا 2 دن پہلے
بنگلادیشی سپریم کورٹ کے سابق جج کو عدالت پیشی پر عوام نے تشدد کا نشانہ بنا ڈالا
-
تجارت ایک دن پہلے
انٹربینک مارکیٹ میں ڈالر کی قیمت میں 8 پیسے کمی
-
پاکستان ایک دن پہلے
پی ٹی آئی میں اختلاف شدت اختیار کر گئے، عاطف خان اور شیر علی عہدوں سے فارغ
-
دنیا ایک دن پہلے
سوڈان میں ڈیم کا بند ٹوٹ گیا، 30 افراد ہلاک، ہزاروں افراد بے گھر
-
علاقائی 3 گھنٹے پہلے
ڈرائیونگ لائسنس کے حصول کیلئے بڑا ریلیف
-
تجارت 2 دن پہلے
یکم ستمبر سے ملک میں پیٹرولیم مصنوعات کی قیمتوں میں کمی کا امکان