پاکستان
خانہ کعبہ میں سیاسی ویڈیو بنانے پر پی ٹی آئی کراچی کے سینئر نائب صدر گرفتار
انہوں نے مزید کہا عمران خان کے لیے بات کرنا ن لیگی فارم 47 والوں کے آگے جرم ہے اور یہ جرم اب ہم کرتے رہیں گے
![خانہ کعبہ میں سیاسی ویڈیو بنانے پر پی ٹی آئی کراچی کے سینئر نائب صدر گرفتار](/media/116403/conversions/2821010136268ae-1280x720.jpg)
رہنما پی ٹی آئی اور سابق ایم این اے فہیم خان کو سعودیہ عرب میں خانہ کعبہ پر 9 مئی کے جھوٹے بیانیہ پر حلف لیتے ہوئے ویڈیو بنانے پر گرفتار کرلیا گیا۔
ترجمان پی ٹی آئی فوزیہ صدیقی کا کہناہے پاکستان تحریک انصاف کراچی ڈویژن اس گرفتاری کی پرزور مذمت کرتی ہے ،سابق ایم این اے فہیم خان نے کل خانہ کعبہ میں 9 مئی کے جھوٹے بیانیہ پر حلف لے کر بات کی ، بانی پی ٹی آئی کے حق میں کوئی بھی بات ہو پاکستان ہو یا باہر گرفتار کرلیا جاتا ہے،کیا اللہ کے گھر پر اپنے دل کی بات کرنا بھی جرم ہے۔
پاکستان تحریک انصاف کے مرکزی رہنماؤں سے اپیل ہے کہ اس معاملہ پر فوری ایکشن لیں فارم 47 کی حکومت کی ایماء پر یہ سب کیا گیا ہے ،پورے پاکستان کے تمام سوشل میڈیا پر قدغن کے بعد اب ملک سے باہر بھی لوگوں کو گرفتار کرارہے ہیں ، فارم 47 کی حکومت ٹویٹر فیس بک نے سب کو بند کیا ہوا ہے اور ان کے خلاف تمام سوشل انجنز پر کاروائیوں کا مطالبہ بھی کرتے ہیں ،اصل معاملہ پاکستان کی جعلی حکومت کی جانب سے کیا گیا ہے ،سعودیہ عرب میں ن لیگ کے تعلقات ہیں ،جس پر پہلے بھی کئی پاکستانیوں کو ڈی پورٹ کیا جاچکا ہے ۔
انہوں نے مزید کہا عمران خان کے لیے بات کرنا ن لیگی فارم 47 والوں کے آگے جرم ہے اور یہ جرم اب ہم کرتے رہیں گے، عمران خان کے حق میں آواز بلند کرتے رہیں گے ، ہم سب پاکستانی ہیں اور ہر محب الوطن پاکستان اس وقت تکلیف میں ہے ، پاکستان میں بولنے نہیں دیا جاتا دنیا میں بھی بولنے نہیں دیا جائے گا ؟ہم فارم 47 کی جعلی حکومت اور سعودیہ کے اس اقدام کی شدید مذمت کرتے ہیں ،فارم 47 کی حکومت پاکستان میں بھی اور اللہ کے گھر میں بھی حق کی آواز کو دبانے کی کوشش کررہے ہیں، لیکن یہ آوازیں بند نہیں ہونگی، 9 مئی کے جھوٹے بیانیہ کو پاکستان کی عوام جان چکی ہے جس کی انہیں بے حد تکلیف ہے کہ لوگ اس پر بات نا کریں۔
جرم
پاکستان دہشت گردی میں سب سے زیادہ متاثر ملک ہے ، وزیر داخلہ
وفاقی وزیر داخلہ کا کہنا تھا کہ کالعدم ٹی ٹی پی افغانستان سے حملوں کے لئے افغانستان کی سرزمین استعمال کر رہی ہے
![پاکستان دہشت گردی میں سب سے زیادہ متاثر ملک ہے ، وزیر داخلہ](/media/116400/conversions/22103227c0dddb0-1280x720.jpg)
وفاقی وزیر داخلہ محسن نقوی نے کہا ہے کہ پاکستان دہشت گردی میں سب سے زیادہ متاثر ملک ہے۔
وفاقی وزیر داخلہ محسن نقوی سے اقوام متحدہ کے خصوصی نمائندہ برائے افغانستان اندریکا رتوتے کی قیادت میں وفد کی ملاقات ہوئی۔
اعلیٰ سطح کے وفد میں اقوام متحدہ کے ریذیڈنٹ کوآرڈینیٹر محمد یحییٰ، فدی ایل اور افغانستان میں اقوام متحدہ مشن کے سربراہ مالک سیسے بھی شامل تھے۔
وفاقی وزیر داخلہ محسن نقوی نے وزارت داخلہ آمد پر اقوام متحدہ کے وفد کا خیر مقدم کیا۔
اقوام متحدہ کے خصوصی نمائندہ برائے افغانستان کی بلوچستان میں دہشت گردی کے حالیہ واقعات کی پرزور مذمت کی ، محسن نقوی نے کہا کہ دہشت گردی ایک عالمگیر مسئلہ ہے، پاکستان دہشت گردی میں سب سے زیادہ متاثر ملک ہے۔
ان کا کہنا تھا کہ دہشت گردی کے خلاف جنگ میں سیکیورٹی فورسز، پولیس اور شہریوں کی قربانیوں کی نظیر نہیں ملتی ، انہوں نے پاکستان میں حملوں میں کالعدم ٹی ٹی پی کے ملوث ہونے کے بارے میں وفد کو آگاہ کیا۔
وفاقی وزیر داخلہ کا کہنا تھا کہ کالعدم ٹی ٹی پی افغانستان سے حملوں کے لئے افغانستان کی سرزمین استعمال کر رہی ہے، اس کو ہر صورت روکنا ہو گا، پاکستان افغانستان میں امن اور استحکام کا خواہاں ہے اور اس ضمن میں ہر ممکن کردار ادا کر رہا ہے۔
محسن نقوی نے کہا کہ پاکستان نے کئی دہائیوں سے افغان مہاجرین کی مہمان نوازی کی ہے، غیر قانونی طور پر مقیم غیر ملکیوں کی واپسی کا مرحلہ وار آغاز کیا جا چکا ہے۔
جرم
بھارتی فوج کا منشیات کی اسمگلنگ میں ملوث ہونے کا انکشاف
بھارتی آرمی اہلکار مبینہ طور پر مقامی منشیات کے کارٹیلوں کے ساتھ اتحاد کرتے ہیں اور ایل او سی میں منشیات کی نقل و حمل کے لئے فوجی وسائل کا استعمال کرتے ہیں
![بھارتی فوج کا منشیات کی اسمگلنگ میں ملوث ہونے کا انکشاف](/media/116397/conversions/2820024469c07c6-1280x720.jpg)
منشیات کے کاروبار اور جعلی مقابلوں میں ہندوستانی آفسر ملوث ہونے کے واضح ثبوت منظر عام پر آگئے ۔
تفصیلات کے مطابق 2017-2021 کے درمیان متعدد مقدمات میں بھارتی فوج کے افسران کو منشیات کی اسمگلنگ کے الزام میں گرفتار کیا گیا ہے ۔
اس بات کا بھی انکشاف کیا گیا ہے کہ بھارتی آرمی اہلکار مبینہ طور پر مقامی منشیات کے کارٹیلوں کے ساتھ اتحاد کرتے ہیں اور ایل او سی میں منشیات کی نقل و حمل کے لئے فوجی وسائل کا استعمال کرتے ہیں ۔
منشیات کی اسمگلنگ میں ملوث ہونے سے فوجی ساکھ کو مجروح کیا جاتا ہے ۔
یاد رہے کہ ہندوستانی قانون میں کورٹ مارشل بھی قانونی حیثیت کے طور پر موجود ہے لیکن بدعنوانی اور استثنیٰ کے ساتھ شفافیت اور احتساب کے بارے میں خدشات برقرار ہیں ۔
عالمی اداروں کی توجہ نارکو اسمگلنگ میں ہندوستانی فوجیوں کی ملوث ہونے کے شواہد کو اجاگر کرتی ہے ، نارکو اسمگلنگ میں فوجی شمولیت کی حد تک موجودہ تحقیقات مستقبل کے اقدامات کے تعین کے لئے جاری اور اہم ہیں
واضح رہے کہ منشیات کی اسمگلنگ میں ملوث ہونے سے فوجی حوصلے ، نظم و ضبط ، اور اخلاقی معیارات کی صفوں میں متوقع ہے ۔
دنیا
بنگلادیش کی عبوری حکومت کی جانب سے جماعت اسلامی پر عائد پابندی ختم
نوٹیفکیشن میں کہا گیا ہے کہ جماعت اسلامی اور اسکے سٹوڈنٹ ونگ پرپابندی کا حکم منسوخ کردیا گیا ہے، جماعت اسلامی پر سے پابندی ہٹانے کا فیصلہ فوری نافذالعمل ہوگا
![بنگلادیش کی عبوری حکومت کی جانب سے جماعت اسلامی پر عائد پابندی ختم](/media/116409/conversions/28164221e58c912-1280x720.jpg)
بنگلادیش کی عبوری حکومت کی جانب سے جماعت اسلامی پر عائد پابندی ختم کردی گئی۔
بنگلادیشی میڈیا کا کہنا ہے کہ جماعت اسلامی اور اسکے سٹوڈنٹ ونگ پر سے پابندی ہٹانے کا نوٹیفکیشن بھی جاری کردیا گیا، جس کے مطابق جماعت اسلامی اور اسکے سٹوڈنٹ ونگ کے کسی دہشتگرد سرگرمی میں ملوث ہونے کے ثبوت نہیں ملے، جماعت اسلامی کسی دہشت گرد سرگرمی میں ملوث نہیں۔
نوٹیفکیشن میں کہا گیا ہے کہ جماعت اسلامی اور اسکے سٹوڈنٹ ونگ پرپابندی کا حکم منسوخ کردیا گیا ہے، جماعت اسلامی پر سے پابندی ہٹانے کا فیصلہ فوری نافذالعمل ہوگا۔
خیال رہے کہ بنگلادیش کی سابق وزیراعظم حسینہ واجد کی حکومت نے یکم اگست کو جماعت اسلامی پر پابندی لگائی تھی۔
-
پاکستان 7 گھنٹے پہلے
ن لیگ آزاد کشمیر کے سینئر رہنما وزیر چوہدری محمد عزیز انتقال کر گئے
-
پاکستان ایک دن پہلے
پی ٹی آئی میں اختلاف شدت اختیار کر گئے، عاطف خان اور شیر علی عہدوں سے فارغ
-
پاکستان 10 گھنٹے پہلے
میاں نواز شریف کا لندن جانے کا امکان
-
کھیل 11 گھنٹے پہلے
پی ایف ایف میں بڑی تبدیلی، 22 افراد پر تاحیات پابندی
-
پاکستان ایک دن پہلے
مولانا فضل الرحمٰن کا تاجروں کی ہڑتال کی حمایت کا اعلان
-
علاقائی 2 دن پہلے
جسٹس نعمت اللہ نے بطور قائم مقام چیف جسٹس سندھ ہائیکورٹ حلف اٹھا لیا
-
علاقائی 13 گھنٹے پہلے
ڈرائیونگ لائسنس کے حصول کیلئے بڑا ریلیف
-
دنیا ایک دن پہلے
سوڈان میں ڈیم کا بند ٹوٹ گیا، 30 افراد ہلاک، ہزاروں افراد بے گھر