دنیا
اسرائیل کی غزہ میں پناہ گزین سکول پر بمباری، اونرا کے 6 اہلکار سمیت 18 شہید
حملے میں 18 سے زیادہ افراد زخمی ہوئے جن میں بعض کی حالت تشویش ناک ہے
![اسرائیل کی غزہ میں پناہ گزین سکول پر بمباری، اونرا کے 6 اہلکار سمیت 18 شہید](/media/118016/conversions/Gaza-1280x720.jpg)
صہیونی فوج نے ایک بار پھر غزہ میں بے گھر فلسطینیوں کیلئے پناہ گاہ کے طور پر استعمال ہونے والے ایک سکول کو بمباری کا نشانہ بنایا ہے۔
تفصیلات کےمطابق غزہ میں بدھ کے روز ہونے والے حملے میں جاں بحق ہونے والوں کی تعداد 18 تک پہنچ گئی ہے۔
غزہ میں شہری دفاع کے ترجمان محمد بصل کے مطابق نے بیان میں بتایا کہ یہ پانچواں موقع ہے جب اسرائیل نے اقوام متحدہ کی ذیلی ایجنسی انروا کے زیر انتظام الجاعونی سکول پر بمباری کی۔
مرنے والوں میں بچوں اور عورتوں کے علاوہ انروا ایجنسی کے دو اہل کار بھی شامل ہیں۔ بمباری کے نتیجے میں میں 18 سے زیادہ افراد زخمی ہوئے جن میں بعض کی حالت تشویش ناک ہے۔
دوسری جانب انروا کے اعلان کے مطابق اسرائیلی حملے میں اس کے چھ اہلکار ہلاک ہوئے ہیں۔ یہ اقوام متحدہ کے زیر انتظام اس ایجنسی کے ہلاک کارکنان کی سب سے بڑی تعداد ہے۔
What's happening in Gaza is totally unacceptable.
— António Guterres (@antonioguterres) September 11, 2024
A school turned shelter for around 12,000 people was hit by Israeli airstrikes again today.
Six of our @UNRWA colleagues are among those killed.
These dramatic violations of international humanitarian law need to stop now.
اقوام متحدہ کے سیکرٹری جنرل انتونیو گوتریس نے اونرا کے کارکنان کی ہلاکت کی مذمت کی۔ انہوں نے سوشل میڈیا پلیٹ فارم ’’ایکس‘‘ پر ایک ٹویٹ میں کہا کہ غزہ میں جو کچھ ہو رہا ہے وہ قطعاً قابل قبول نہیں ہے۔ سکول کو بمباری کا نشانہ بنانا انسانی حقوق کی کھلی خلاف ورزی ہے۔
جرم
بنوں میں نامعلوم افراد کی فائرنگ سے پولیو ورکرز کی حفاظت پر مامور پولیس اہلکار جاں بحق
پولیس نے علاقے کو گھیرے میں لے کر سرچ آپریشن شروع کردیا
![بنوں میں نامعلوم افراد کی فائرنگ سے پولیو ورکرز کی حفاظت پر مامور پولیس اہلکار جاں بحق](/media/118020/conversions/1211392247786fd-1280x720.jpg)
صوبہ خیبرپختونخوا کے شہر بنوں میں نامعلوم افراد کی فائرنگ سے پولیو ورکرز کی حفاظت پر مامور پولیس اہلکار نور عالم جاں بحق ہوگئے۔
پولیس نے علاقے کو گھیرے میں لے کر سرچ آپریشن شروع کردیا ہے۔
یاد رہے کہ گزشتہ روز بھی ضلع باجوڑ میں پولیو ٹیم پر فائرنگ سے ایک پولیس اہلکار اور پولیو ورکر جاں بحق ہوگئے تھے۔
فائرنگ کا واقعہ باجوڑ کے علاقے سلارزئی میں پیش آیا، پولیس کا کہنا تھا کہ سلارزئی میں پولیو ٹیم پر نامعلوم افراد کی جانب سے فائرنگ کی گئی۔
واقعے میں جاں بحق ہونے والوں کی میتوں کو ہیڈ کواٹر ہسپتال منتقل کر دیا گیا تھا۔
پاکستان
پی ٹی آئی کے 10 گرفتار اراکین اسمبلی کو پروڈکشن آرڈر پر پارلیمنٹ ہاؤس پہنچا دیا گیا
پی ٹی آئی کے 10 ارکان قومی اسمبلی میں وقاص اکرم شیخ، زین قریشی، ملک اویس، ملک عامر ڈوگر، احمد چٹھہ، زبیر خان، احد علی شاہ، نسیم علی شاہ، شیر افضل مروت اور یوسف خان شامل ہیں
![پی ٹی آئی کے 10 گرفتار اراکین اسمبلی کو پروڈکشن آرڈر پر پارلیمنٹ ہاؤس پہنچا دیا گیا](/media/118028/conversions/379376_2810239_updates-1280x720.jpg)
قومی اسمبلی اجلاس میں شرکت کے لیے پاکستان تحریک انصاف کے گرفتار اراکین اسمبلی کو پارلیمنٹ ہاؤس پہنچا دیا گیا۔
اسلام آباد پولیس کی بھاری نفری ارکان پارلیمنٹ کے ہمراہ پارلیمنٹ ہاؤس پہنچی، پی ٹی آئی کے گرفتار 10 ارکان کو قائم مقام سارجنٹ ایٹ آرمز کے حوالے کیا گیا۔
پی ٹی آئی کے 10 ارکان قومی اسمبلی میں وقاص اکرم شیخ، زین قریشی، ملک اویس، ملک عامر ڈوگر، احمد چٹھہ، زبیر خان، احد علی شاہ، نسیم علی شاہ، شیر افضل مروت اور یوسف خان شامل ہیں۔
دوسری جانب ڈپٹی اسپیکر قومی اسمبلی کی زیر صدارت قومی اسمبلی کا اجلاس شروع ہو گیا ہے۔
یاد رہے کہ گرفتار 10 ارکان جسمانی ریمانڈ پر پولیس کی تحویل میں ہیں اور اسپیکر قومی اسمبلی سردار ایاز صادق نے پارلیمنٹ ہاؤس سے گرفتار پی ٹی آئی اراکین اسمبلی کے پروڈکشن آرڈر جاری کیے تھے۔
صحت
اسٹیرائڈ ادویات سے ذیابیطس کا خطرہ دوگنا، برطانوی تحقیق
اسٹیرائڈ کی گولیاں اور انجکشن استعمال کرنے والے مریضوں میں یہ خطرہ زیادہ دیکھا گیا
![اسٹیرائڈ ادویات سے ذیابیطس کا خطرہ دوگنا، برطانوی تحقیق](/media/118003/conversions/Test-1280x720.jpg)
لندن : برطانیہ میں کی گئی ایک جامع طبی تحقیق نے انکشاف کیا ہے کہ مختلف بیماریوں کے علاج کے لیے استعمال ہونے والی اسٹیرائڈ ادویات ذیابیطس کے خطرے کو دوگنا کر سکتی ہیں۔
آکسفورڈ یونیورسٹی ہسپتال میں 2013 سے 2024 تک داخل ہونے والے ساڑھے چار لاکھ سے زائد مریضوں پر کی گئی اس تحقیق میں معلوم ہوا کہ جن مریضوں کو اسٹیرائڈ ادویات دی گئیں تھیں، ان میں ذیابیطس کے امکانات نمایاں طور پر بڑھ گئے۔ خاص طور پر اسٹیرائڈ کی گولیاں اور انجکشن استعمال کرنے والے مریضوں میں یہ خطرہ زیادہ دیکھا گیا۔
اسٹیرائڈز ایک قسم کی دوائیں ہیں جو جسم میں ہارمونز کی طرح کام کرتی ہیں۔ انہیں خودکار مدافعتی نظام کی بیماریوں، کینسر، فالج، استھما اور آرتھرائٹس جیسی بیماریوں کے علاج میں استعمال کیا جاتا ہے۔ اس کے علاوہ، کچھ ایتھلیٹس اور باڈی بلڈرز بھی انہیں غیر قانونی طور پر طاقت حاصل کرنے کے لیے استعمال کرتے ہیں۔
تحقیق میں شامل 17 ہزار سے زائد مریضوں میں سے 316 مریض اسٹیرائڈ ادویات لینے کے بعد ذیابیطس کے شکار ہو گئے۔ یہ نتائج اس بات کی نشاندہی کرتے ہیں کہ اسٹیرائڈز ذیابیطس کے خطرے کو بڑھا سکتے ہیں۔
ماہرین کا کہنا ہے کہ اسٹیرائڈز کے استعمال اور ذیابیطس کے درمیان واضح تعلق ہے۔اسٹیرائڈ کی گولیاں اور انجکشن ذیابیطس کا خطرہ زیادہ بڑھاتے ہیں۔
-
پاکستان ایک دن پہلے
بانی پاکستان قائداعظم محمد علی جناح کی 76ویں برسی آج منائی جا رہی ہے
-
پاکستان ایک دن پہلے
ملک میں وی پی اینز کو بلاک نہیں کیا جا رہا، پی ٹی اے
-
دنیا ایک دن پہلے
ورلڈ ٹریڈ سینٹر پر نائن الیون حملوں کو 23 سال مکمل
-
دنیا ایک دن پہلے
امریکی صدارتی انتخابات: ڈونلڈ ٹرمپ اور کملا ہیرس کے درمیان پہلا مباحثہ
-
ٹیکنالوجی ایک دن پہلے
یو ٹیوب نے نئے اے آئی ٹولز متعارف کروانے کا اعلان کر دیا
-
تجارت ایک دن پہلے
پنشن اصلاحات پر جلد قانون سازی لائیں گے، وزیرخزانہ
-
موسم ایک دن پہلے
صوبائی دارالحکومت لاہور میں سورج اور بادلوں کی آنکھ مچولی
-
کھیل ایک دن پہلے
پی سی بی کی جانب سے انڈر 16 سکول ٹورنامنٹ کے سلسلے میں ٹرائل منعقد