راولپنڈی ڈاکوئوں اور پولیس کے درمیان فائرنگ کا تبادلہ، 1 ڈاکو ہلاک

راولپنڈی : راولپنڈی کے علاقے پیرودھائی میں پولیس اور ڈاکوؤں کے مابین فائرنگ کا تبادلہ ہوا جس کے نتیجے میں ایک ڈاکو ہلاک اور دو فرار ہو گئے۔

پولیس کے مطابق رات گئے موٹر سائیکل سوار تین ڈاکوؤں نے پولیس پارٹی پر فائرنگ شروع کر دی۔ پولیس نے فوری طور پر جوابی کارروائی کرتے ہوئے ایک ڈاکو کو ہلاک کر دیا جبکہ دو ساتھی فرار ہونے میں کامیاب ہو گئے۔ 

ہلاک ڈاکو کے قبضے سے ایک پستول اور موٹر سائیکل برآمد ہوئی ہے۔ ابتدائی تحقیقات سے پتہ چلا ہے کہ یہ موٹر سائیکل اسی ماہ نیو ٹاؤن کے علاقے میں ایک شہری سے گن پوائنٹ پر چھینی گئی تھی۔ 

پولیس کا کہنا ہے کہ فائرنگ کے دوران ایک کانسٹیبل اکرم خان کو بھی گولی لگی تاہم وہ بلٹ پروف جیکٹ کی وجہ سے محفوظ رہے۔ 

پولیس نے فرار ڈاکوؤں کی گرفتاری کے لیے سرچ آپریشن شروع کر دیا ہے اور امید ہے کہ جلد ہی انہیں گرفتار کر لیا جائے گا۔