رانا مشہود کیخلاف یوتھ فیسٹیول انکوائری بند کرنے کی سفارش

ترجمان قومی احتساب بیورو(نیب) کے مطابق لیگی رہنما اور سابق صوبائی وزیر رانا مشہود کیخلاف یوتھ فیسٹیول انکوائری بند کرنے کی سفارش چیرمین نیب جسٹس(ر)جاوید اقبال کو بھجوا دی گئی ہے،کیس  میں رانا مشہود کے ملوث ہونے کے کوئی شواہد نہیں ملے،رانا مشہود دوران تفتیش کسی بے ضابطگی میں ملوث نہیں پائے گئے۔

نیب دستاویزات کے مطابق وسیم احمد یوتھ فیسٹیول انکوائری میں وعدہ معاف گواہ بن چکا ہے،وسیم احمد نے رانا مشہود پر غیر قانونی طور پر ادائیگیوں کا الزام لگایا تھا تاہم نیب لاہور نے میوچل لیگل اسسٹنٹ کے تحت لکھے خطوط کے بعد فیصلہ کیا۔

خیال رہے کہ 2013-14کے یوتھ فیسٹیول میں رانا مشہود صوبائی منسٹر سپورٹس اور یوتھ آفیر تھے۔

قبل ازیں قومی احتساب بیورو(نیب)مسلم لیگ ن کے صدر اور قومی اسمبلی میں اپوزیشن لیڈر شہبازشریف کیخلاف بھی 12 پلاٹوں کی الاٹمنٹ انکوائری ناکافی شواہد پر بند کرچکا ہے۔