سیکیورٹی فورسز کا شمالی وزیرستان میں انٹیلیجنس بیسڈ آپریشن، 2خارجی دہشت گرد جہنم واصل

 سیکیورٹی فورسز نے شمالی وزیرستان کے علاقے میر علی میں انٹیلیجنس بیسڈ آپریشن کرتے ہوئے 2 خارجی دہشت گردوں کو جہنم واصل کردیا۔

آئی ایس پی آر کا کہنا ہے کہ آپریشن کے دوران سیکیورٹی فورسز اور خارجی دہشت گردوں کے درمیان شدید فائرنگ کا تبادلہ ہوا جب کہ سیکیورٹی فورسز کی فائرنگ سے 2 خارجی جہنم واصل کردیے گئے۔

واضح رہے کہ پاک فوج کے شعبہ تعلقات عامہ آئی ایس پی آر کے مطابق سیکیورٹی فورسز نے شمالی وزیرستان کے علاقے میر علی میں آج دہشت گردوں کی موجودگی کی اطلاع پر کارروائی کی۔

آئی ایس پی آر نے کہا کہ ہلاک خارجی دہشت گرد نہ صرف سیکیورٹی فورسز بلکہ عام شہریوں کی ٹارگٹ کلنگ جیسی کارروائیوں میں بھی ملوث تھے۔

واضح رہے کہ ترجمان پاک فوج نے بتایا کہ خارجی دہشت گردوں کے قبضے سے بڑی مقدار میں اسلحہ اور بارودی مواد برآمد ہوا ہے۔