انوشکا شرما نے بالی ووڈ سے عارضی دوری اختیار کرلی

بھارتی میڈیا رپورٹس کے مطابق بھارتی کرکٹ ٹیم کے کپتان ویرات کوہلی اور معروف بالی وڈ اداکارہ  انوشکا شرما نے اپنی بیٹی کی وجہ سے بالی ووڈ سے کچھ عرصے کے لیے دوری اختیار کر لی ہے  اور اس کی وجہ ان کی  بیٹی"وامیکا "    ہے جس کی پرورش کے حوالے سے وہ بے حد سنجیدہ ہیں۔ میڈیا رپورٹس  کے مطابق انوشکا  شرما ، اس وقت اپنے  شوہر ویرات کوہلی اور بیٹی کے ساتھ لندن میں ہیں ، اوراس سال کام پر واپس آنے کا کوئی ارادہ نہیں ہے ۔ بھارتی میڈیا کے مطابق   انوشکا شرما  2022 تک  اپنی بیٹی کو وقت دینا چاہتی ہیں  اور یہی وجہ ہے کہ انہوں نے فی الحال کسی بھی پراجیکٹ میں کام کرنے  پر رضامندی ظاہر نہیں کی ہے  ۔

بھارتی میڈیا کے مطابق ،انوشکا شرما  کورونا کی جاری لہر کے دوران اپنی بیٹی کی صحت کے حوالے سے کسی قسم کا کوئی  خطرہ مول  نہیں لینا چاہتیں اور یہی وجہ ہے کہ اُنہوں نے بالی ووڈ سے کچھ عرصے کیلئے بریک لیا ہے ۔ بھارت میں کورونا وائرس  کی بڑھتے کیسز کو مدنظر رکھتے ہوئے  انوشکا نے اپنی ٹیم کو  بھی ہدایت  کی ہے کہ وہ  رواں برس کسی بھی طرح  کا پراجیکٹ شروع نہ کریں ۔

یہ توقع کی جارہی ہے کہ انوشکا شرما 2022 کے اواخر تک بالی وڈ میں واپسی اختیار کر لیں گی ۔

واضح رہے کہ انوشکا شرما آخری بار شاہ رخ خان اور کترینہ کیف کی فلم ’زیرو‘ میں نظر آئی تھیں جو سال 2018ء میں ریلیز ہوئی تھی۔

یاد رہے کہ 2017 میں  بھارتی کرکٹر ویرات کوہلی اور اداکارہ انوشکا شرما اٹلی میں رشتہ ازدواج میں منسلک ہوئے تھے اور رواں برس کے آغاز میں ان کے ہاں بیٹی کی پیدائش ہوئی تھی۔