پاکستان
ایس سی او کا سربراہی اجلاس، بھارت سمیت دیگر ممالک کے وفود پاکستان پہنچ گئے
بھارتی وزیر خارجہ کی پاکستانی حکام سے کوئی ملاقات متوقع نہیں
شنگھائی تعاون تنظیم کا سربراہی اجلاس، بھارتی وزیر خارجہ ایس جے شنکر سمیت دیگر ممالک کے وفود پاکستان پہنچ گئے
بھارت کے وزیر خارجہ ایس جے شنکر اسلام آباد میں جاری شنگھائی تعاون تنظیم کے اجلاس میں شرکت کے لیے پاکستان پہنچ گئے۔
تفصیلات کے مطابق بھارتی وزیر خارجہ ایس جے شنکر کے طیارے نے نور خان ائیرپورٹ پر لینڈ کیا، جے شنکر شنگھائی تعاون تنظیم کے اجلاس میں شریک ہوں گے۔ دوسری طرف بھارتی وزیر خارجہ کی پاکستانی حکام سے کوئی ملاقات متوقع نہیں۔
واضح رہے کہ اس سے قبل کرغزستان کے وزیراعظم بھی اجلاس میں شرکت کے لیے پاکستان پہنچے جہاں وفاقی وزیر برائے پٹرولیم مصنوعات مصدق ملک نے ان کا استقبال کیا۔
بیلا روس کے وزیر اعظم گولاف چینکو بھی پاکستان پہنچ گئے جہاں وفاقی وزیر قانون اعظم نذیر تاڑر نے ان کا استقبال کیا۔ اس کےعلاوہ تاجکستان کے وزیر اعظم خیر رسول زودہ بھی ایس سی او میں شرکت کےلئے پاکستان پہنچے، وفاقی وزیر جام کمال نے ان کا شاندار استقبال کیا۔
ترکمانستان کابینہ کے ڈپٹی چیئرمین راشد مریوف پاکستان پہنچے تو وفاقی وزیر خالد مقبول صدیقی نے ان کا والہانہ استقبال کیا، اس موقع پر راویتی لباس میں ملبوس بچوں نے معزز مہمانوں کو گلد ستے پیش کیے۔ایران اور روس سمیت دیگر ممالک کے وفود بھی پاکستان پہنچ چکے ہیں
واضح رہے کہ چینی وزیر اعظم گزشتہ روز ہی پاکستان پہنچ چکے تھے جہاں پاکستانی وزیرآعظم شہاز شریف نے اپنے چینی ہمنصب کا شاندار استقبال کیا اور ان کو گارڈ آف آنر بھی پیش کیا گیا
جرم
دھرنوں کی ناکامی:تحریک انصاف نے نجی کالج میں بچی سے مبینہ زیادتی کے واقعے کا خطرناک منصوبہ بنایا،مریم نواز
مریم نواز کا مزید کہنا تھا کہ صوبائی وزیر تعلیم کو کالج کی رجسٹریشن کینسل نہیں کرنی چاہیے تھی کسی کے ساتھ نا انصافی نہیں برتنی چاہیے
لاہور: وزیراعلی پنجاب مریم نواز نے پاکستان تحریک انصاف کو ایک دفعہ پھر دہشت گرد جماعت قرار دےدیا، انہوں نے کہا کہ تحریک انصاف نے نجی کالج کے واقعے پر ملک میں انتشار پھیلانے کی بھرپور کوشش کی۔
وزیر اعلی پنجاب مریم نواز نے لاہور میں پریس کانفرنس کرتے ہوئے کہا جس روز بچی کے ساتھ مبینہ زیادتی کا واقع رپورٹ ہوا تو ابتدائی تحقیقات کے مطابق اس روز بچی کالج میں تھی ہی نہیں، انہوں نے کہا کہ الزام لگایا گیا اس واقعے کی سی سی ٹی وی فوٹیج ہٹا دی گئیں ہےاس میں کوئی صداقت نہیں اورنہ ہی اس واقعے کا کوئی عینی شاہد ہے کیوںکہ ایسا کوئی واقع پیش ہی نہیں آیا ۔
مریم نواز کا کہنا تھا کہ جس بچی کا نام اور تصویر شئیر کی جا رہی ہے وہ بچی 2 اکتوبر سے ہسپتال میں زیر علاج ہے،اور جس سیکیورٹی گارڈ پر الزام عائد کیا گیا اسکو گرفتار کر کے تفتیش کی ہے مگر ایساکوئی واقع سامنے نہیں آیا۔
وزیر اعلی پنجاب کامزید کہنا تھا کہ تحریک اںصاف اس واقعے کی آڑمیں ملک میں انتشار پھیلانے کی بھرپور کوشش کر رہی ہے ، سوشل میڈیا پلیٹ فارمز پر ایسے واقعے کو لے کر انتشار پھیلانے کی کوشش کی جارہی ہے جوکہ ہوا ہی نہیں،تحریک انصاف نے احتجاج اور دھرنوں میں ناکامی کے بعد اس من گھڑت واقعے کا سہارا لے کر لوگوں کو گمراہ کرنےکی کوشش کی ہے۔
اس موقع پر وزیر اعلی مریم نوازکا کہنا تھا تحریک انصاف نے دنیا کو پاکستان کا جو چہرہ دکھانے کی کوشش کی میں ان سےکہنا چاہتی ہو کہ پاکستان صرف ہمارا ہی نہیں بلکہ آپ سب کا ہے،ان کا مزید کہنا تھا کہ اس واقعے میں ملوث ٓافراد چاہے وہ میڈیا سے ہو یا تحریک انصاف سے ان کے خلاف کارروائی کا حکم دے دیا ہے۔
مریم نواز کا مزید کہنا تھا کہ صوبائی وزیر تعلیم کو کالج کی رجسٹریشن کینسل نہیں کرنی چاہیے تھی کسی کے ساتھ نا انصافی نہیں برتنی چاہیے۔ مگر جو اس واقعے میں ملوث ہیں انکے خلاف ہر صورت کارروائی ہونی چاہیے۔
دنیا
پاکستان سمیت دنیا بھر میں خوراک کا عالمی دن آج منایا جا رہا ہے
اس سال خوراک کے عالمی دن کا تھِیم "بہتر زندگی اور بہتر مستقبل کے لیے خوراک کا حق"ہے
دنیا میں ہر سا ل16 اکتوبر کو خوراک کا عالمی دن منایا جاتا ہے ، جس کا مقصد کرہ ارض پر موجود لوگوں کو خوراک کی اہمیت اور اس کی مساوی تقسیم کے متعلق آگاہ کرنا ہے ایک اندازے کے مطابق دنیا کی کل آبادی 8 ارب افراد پر مشتمل ہے جن میں تقریبا 1 ارب افراد خوراک کی قلت اور اس کی کمی سے ہونے والی بیماریوں میں مبتلا ہے۔
اس سال خوراک کے عالمی دن کا تھِیم "بہتر زندگی اور بہتر مستقبل کے لیے خوراک کا حق"ہے،یہ مہم اس لیے شروع کی گئی تا کہ دنیا میں موجود ہر انسان تک معیاری اور غذائیت سے بھرپورخوراک تک رسائی حاصل ہو سکے۔
وزیراعظم پاکستان میاں محمد شہباز شریف نے خوراک کے عالمی دن کی مناسبت سے اپنے جاری ایک بیا ن میں کہا کہ 'خوراک کا عالمی دن ہمیں ہر فردکے لیے غذائِی تحفظ کو یقینی بنانے کے لیے اپنے فرض کی یاد دلاتا ہے'
خوراک کا عالمی دن ہر سال دنیا بھر میں 16 اکتوبر کو منایا جاتا ہے یہ دن 1945 میں اقوام متحدہ کی ذیلی تنظیم خوراک اور زراعت کی تنظیم کے قیام کی تاریخ سے مناسبت کی یاد میں منایا جاتا ہے۔
خوراک اور غذائی تحفظ کے متعلق دنیا کی دوسری تنظیمیں جن میں ورلڈ فوڈ پروگرام،ورلڈ ہیلتھ آرگنائزیشن اور انٹرنیشنل فنڈ فار ایگریکلچرل ڈویلپمنٹ کی جانب سے بھی یہ دن بڑے پیمانے پر منایا جاتا ہے۔
دنیا
ملائیشیا کے سابق وزیراعظم مہاتیر محمد کی طبیعت ناسازی، ہسپتال منتقل
مہاتیر محمد کو سانس کی نالی میں انفیکشن کے سبب کل شام اسپتال داخل کرایاگیا
ملائیشیا کے سابق وزیراعظم مہاتیر محمد کو طبیعت ناسازی کے باعث اسپتال میں داخل کرادیا گیا ہے۔
سابق وزیراعظم کے مشیر کا بتانا ہے کہ مہاتیر محمد کو سانس کی نالی میں انفیکشن کے سبب کل شام اسپتال داخل کرایاگیا جہاں ان کا علاج جاری ہے۔
99 سالہ مہاتیر محمد کو پہلے بھی دل کی تکلیف رہی ہے اور ان کی سرجریز بھی ہوچکی ہیں جب کہ انہیں آخری مرتبہ جولائی میں اسپتال داخل ہونا پڑا تھا۔
واضح رہے کہ مہاتیر محمد پہلی مرتبہ 1981 سے 2003 اور پھر 2018 سے 2020 تک ملائیشیا کے وزیراعظم رہے، انہیں 2 دہائیوں سے زیادہ عرصہ ملائیشیا کے وزیراعظم رہنے کا اعزاز حاصل رہا ہے۔
-
پاکستان 2 دن پہلے
آئینی ترامیم کے مسودے پر کافی حد تک ہم آہنگی ہوچکی ہے، مولانا فضل الرحمان
-
کھیل 2 دن پہلے
آسٹریلیا نے پاکستان کے خلاف ون ڈے سیریز کے لیے اسکواڈ کا اعلان کر دیا
-
دنیا 6 گھنٹے پہلے
ترکیہ میں زلزلے کے شدید جھٹکے، ریکٹر اسکیل پر شدت 6.1 ریکارڈ کی گئی
-
تجارت ایک دن پہلے
انکم ٹیکس گوشوارے جمع کرانے کی آخری تاریخ میں31 اکتوبر تک توسیع
-
تجارت ایک دن پہلے
سونے کی قیمت میں ایک دفعہ پھر اضافہ
-
پاکستان 23 گھنٹے پہلے
مولانا فضل الرحمان سے چیئر مین پیپلز پارٹی کی ملاقات
-
پاکستان 3 گھنٹے پہلے
پاکستان کی سفارتی محاز پر بڑی کامیابی، بھارتی وزیر خارجہ نے پاکستان کی تعریفوں کے پل باندھ دیے
-
تجارت 2 دن پہلے
انکم ٹیکس گوشوارے جمع کرانے کا آج آخری دن، مزید وقت نہیں ملے گا