چیئرمین پبلک اکاؤنٹس کمیٹی نثار کھوڑو کے گھر کے باہر کریکر دھماکہ

رکن سندھ اسمبلی و چیئرمین پبلک اکاؤنٹس کمیٹی نثار کھوڑو کے گھر کے باہر کریکر دھماکہ ہوا۔ واقعے میں کوئی جانی نقصان نہیں ہوا۔

پولیس کے مطابق نامعلوم افراد ہینڈ کریکر پھینک کر فرار ہوئے۔ تاہم بم ڈسپوزل اسکواڈ کو طلب کیا گیا ہے۔ دھماکے کی نوعیت اور استعمال کیے گئے بارودی مواد کے متعلق جانچ پڑتال کی جائے گی۔ خوش قسمتی سے واقعے میں کوئی نقصان نہیں ہوا۔

نثار کھوڑو نے کہا کہ ایسے دھماکے مجھے جمہوریت اور عوام کیلئے جدوجہد کرنے سے نہیں روک سکتے اور میں جمھوری کردار ادا کرنے سے کبھی باز نہیں آؤں گا۔ جمھوریت کے لیے جدوجہد کرتا رہوں گا اور کسی سے ڈرنے والا نہیں ہوں۔

انہوں نے کہا کہ ایسا حملہ ماضی میں جام صادق کے دور میں بھی ہوچکا ہے۔ لیکن میں نہ پہلے ڈرا تھا نہ اب ڈروں گا۔ ایسے واقعات مجھے حراساں نہیں کرسکتے جبکہ جمھوریت، عوام اور سندھ کے مسائل پر بات کرتا رہوں گا۔

پیپلز پارٹی سندھ کے صدر نثار کھوڑو نے لاڑکانہ میں اپنی رہائشگاہ پر کریکر دھماکے کی پولیس حکام سے رپورٹ طلب کرلی۔

پولیس علاقے سے شواہد اکٹھے کر کے کریکر پھینک کر فرار ہونے والے افراد کو تلاش کر رہی ہے۔