اڈیالہ جیل میں قیدیوں سے ملاقات پر پابندی میں دو روز کی توسیع

راولپنڈی: پنجاب حکومت نے اڈیالہ جیل میں قیدیوں سے ملاقات پر پابندی میں دو روز کی توسیع کر دی۔
ذرائع کے مطابق اڈیالہ جیل میں قیدیوں سے ملاقات میں پابندی سیکورٹی خدشات کو مدنظر رکھتے ہوئے لگائی گئی  ہے۔
ذرائع کا کہنا ہے کہ جیل میں ملاقات پر پابندی کا اطلاق سیاسی قیدیوں سمیت تمام عام قیدیوں پر بھی ہو گا۔
واضح رہے کہ اس سے قبل پنجاب حکومت نے 18 اکتوبر تک قیدیوں سے ملاقات پر پابندی عائد کی تھی جس میں سیکورٹی خدشات کے پیش نظر دو روز تک مزید توسیع کر دی گئی ہے۔
دوسری طرف پاکستان تحریک انصاف کے پانچ رکنی وفد کو بانی پی ٹی آئی عمران خان سے ملاقات کرنے کیا اجازت مل گئی ہے۔تحریک انصاف نے آئینی ترمیم میں مشاورت کے لیے بانی تحریک انصاف عمران خان کے لیے ملاقات کا وقت مانگا تھا