جرم
سی ٹی ڈی کی بڑی کارروائی ،تین دہشت گرد ہلاک ،تین گرفتار
کراچی میں سی ٹی ڈی کی بڑی کارراوئی کے نتیجے میں کالعدم ٹی ٹی پی کے 3 دہشت گردوںکو ہلاک جبکہ تین کو گرفتار کرلیا گیا
کراچی کے علاقے سہراب گوٹھ میں سی ٹی ڈی کی بڑی کارراوئی کے نتیجے میں کالعدم ٹی ٹی پی کے 3 دہشت گردوںکو ہلاک جبکہ تین کو گرفتار کرلیا گیا۔
محکمہ انسداد دہشت گردی کے مطابق سی ٹی ڈی نے مخبری پر کارروائی کی اور کالعدم تحریک طالبان پاکستان کے تین دہشت گردوں کوگرفتار کیا گیاہے ، کارروائی کے دوران 3 دہشت گردہلاک جبکہ گرفتار دہشتگروں میں فرہاد، حاجی رحمٰن اور محمد صغیر شامل ہے۔پولیس نے گرفتار ملزمان کے قبضے سے اسلحہ اور تنظیمی لٹریچر بھی برآمد کیا۔
دوران تفتیش ملزمان نے انکشاف کیا کہ ان کا تعلق کالعدم تحریک طالبان پاکستان کے مولانا بشیر گروپ سے ہے اور اس نے ہی انہیں کراچی میں پولیس پر حملے کا ٹاسک دیا تھا۔
واضح رہے کہ رواں سال 3 جون کو دہشت گردوں نے سہراب گوٹھ کے علاقےمیں پولیس پر فائرنگ کردی تھی جس کے نتیجے میں کانسٹیبل محمد یٰسین شہید جبکہ کانسٹیبل سلمان عباس زخمی ہو گیا تھا۔
پاکستان
26 ویں آئینی ترمیم :پی ٹی آئی کا وکلا تحریک چلانے کا اعلان
2007 کی وکلا تحریک کی طرح اس دفعہ بھی عدلیہ کی آزادی کا تحفظ کریں گے،حامد خان
26 ویں آئینی ترمیم :پی ٹی آئی نے وکلا تحریک چلانے کا اعلان کر دیا
تحریک انصاف کے رہنما حامد خان نے 26 ویں آئینی ترمیم کےخلاف وکلا کی احتجاجی تحریک چلانے کا اعلان کر دیا
حامد خان نے سلمان اکرم راجہ کے ہمراہ پریس کانفرنس کرتے ہوئے کا کہا کہ 2007 کی وکلا تحریک کی طرح اس دفعہ بھی عدلیہ کی آزادی کا تحفظ کریں گے۔
رہنما تحریک انصاف سلمان اکرم راجہ کا کہنا تھاکہ26 ویں آئینی ترمیم کے بعد حکومت کو اپنی مرضی کے ججز لگانے کا اختیار مل گیاہے،ان کا کہنا تھا کہ موجودہ آئینی ترمیم کا میثاق جمہوریت سے کوئی تعلق نہیں ہے۔
آئینی ترمیم سے آزاد عدلیہ کا گلہ گھونٹا گیا ہے ا ن کا مزیدکہنا تھا کہ یہ صرف پاکستان تحریک انصاف کا ہی معاملہ نہیں بلکہ سب کو اس کے خلاف سڑکوں پر نکلنا ہو گا۔
علاقائی
پاک بحریہ نے 145 ملین ڈالر کی منشیات ضبط کرلی
نیوی اہلکاروں نے انسداد منشیات کے خلاف کامیاب آپریشن کرتے ہوئے بھاری مقدار میں بھارتی ساختہ نشہ آور گولیوں اور آئس کو تحویل میں لیا
کراچی: پاکستان نیوی نےکامیاب انسداد منشیات آپریشن کرتے ہوئے بھارتی ساختہ منشیات کی بڑی کھیپ ضبط کر لی۔
آئی ایس پی آر کی جانب سے جاری کیے گئےبیان کے مطابق پاکستان نیوی نے انٹیلی جنس کی بنیاد پر نارکوٹکس کے خلاف آپریشن کیا، دوران آپریشن 2000 کلوگرام چرس، 370 کلو آئس اور 50 کلو ہیروئن ضبط کی گئی۔ عالمی مارکیٹ میں برآمد شدہ منشیات کا کل حجم 145 ملین امریکی ڈالر ہے۔
Seized items worth of approx US$ 145m in intl market; are handed over to ANF. Successful Ops by #PakNavy & #ANF resulting in seizure of large quantity of drugs is a testament of #PakNavy resolve to fight against illegal activities & non-traditional threats. (2/2) pic.twitter.com/UUjy7F8EvR
— DGPR (Navy) (@dgprPaknavy) October 20, 2024
آپریشن میں بھارتی ساختہ نشہ آور ممنوعہ گولیاں کی بڑی کھیپ بھی شامل ہے۔ ضبط شدہ منشیات کو اینٹی نارکوٹکس فورس کے حوالے کر دیا گیا۔
ترجمان پاکستان نیوی کے مطابق پاک بحریہ خطے کی سمندری حدود میں ہر طرح کی غیر قانونی سرگرمیوں کی روک تھام اور امن و امان کیلئے ہمہ وقت سرگرم ہے۔
پاکستان
پی ٹی آئی اقتدار میں آکر متنازعہ غیرآئینی ترامیم کا خاتمہ کرے گی، بیرسٹر سیف
متنازعہ اور غیر آئینی ترامیم کے حق میں ووٹ ڈالنے والوں کو تاریخ کبھی معاف نہیں کریگی، مشیر اطلاعات کے پی
پی ٹی آئی رہنما و مشیر اطلاعات کے پی بیرسٹر سیف نے کہا ہے کہ پی ٹی آئی اقتدار میں آکر متنازعہ غیرآئینی ترامیم کا خاتمہ کرے گی، متنازعہ اور غیر آئینی ترامیم کے حق میں ووٹ ڈالنے والوں کو تاریخ کبھی معاف نہیں کریگی۔
سوشل میڈیا پلیٹ فارم ایکس پر اپنے ٹویٹ میں بیرسٹر سیف کا کہنا تھا کہ متنازعہ ترامیم اغواکاری، چادر چاردیواری کے تقدس کی پامالی، ماؤں بہنوں کی عزتیں اچھال کر اور سنگین جرائم میں لپیٹ کر پاس کیا گیا، جعلی حکومت نے اغوا گردی کرکے رات کی تاریکی میں سپریم کورٹ پر شب خون مارا۔ ترامیم کا طریقہ کار خود چیخ چیخ کر بتارہا ہے کہ آئین کے پیٹ میں چورا گھونپ دیا گیا۔
پی ٹی آئی اقتدار میں آکر متنازعہ ترامیم اغواکاری، چادر چاردیواری کے تقدس کی پامالی اور ماؤں بہنوں کی عزتیں اچھال کر جیسے سنگین جرائم میں لپیٹ کر پاس کیا گیا، جعلی حکومت نے اغوا گردی کرکے رات کی تاریکی میں سپریم کورٹ پر شب خون مارا، ترامیم کا طریقہ کار خود چیخ چیخ کر بتارہا ہے کہ… pic.twitter.com/VnIiWOSpwU
— Barrister Dr Muhammad Ali Saif (@BaristerDrSaif) October 21, 2024
مشیر اطلاعات نے مزید کہا کہ جلد بازی میں ترامیم کا مقصد سپریم کورٹ کے فیصلے کے اطلاق سے بچنا ہے، متنازعہ ترامیم کے بعد پی ٹی آئی کی جدوجہد مزید تیز ہوگی،، غیر آئینی ترامیم کا ساتھ دینے والے عوام کے انتقام سے بچ نہیں سکیں گے، آئندہ انتخابات میں نہ عوام انکو ووٹ دیں گے اور نہ ہی انہیں فارم 47 ملیں گا،متنازعہ ترامیم کے خلاف ڈٹ کر کھڑے ہونے پر پی ٹی آئی کا نام تاریخ میں سنہرے حروف میں لکھا جائے گا۔
انہوں نے مزید کہا کہ فسطائیت کا ڈٹ کر مقابلہ کرنے والے پی ٹی آئی کے اراکین پارلیمنٹ کو پوری قوم خراج تحسین پیش کرتی ہے، بانی پی ٹی آئی عمران خان
کیساتھ غداری کرنے والے لوٹوں پر پوری قوم کی لعنت ہے، تاریخ غداروں کو کبھی معاف نہیں کریگی، عمران خان کے ساتھ بے وفائی کرنے والوں کا انجام پچھلے الیکشن میں سب نے دیکھا ہے، وکلاء برادری سے غیر آئینی ترامیم کے خلاف فیصلہ کن معرکے کی اپیل ہے، وکلاء برادری پی ٹی آئی کے ساتھ ملکر متنازعہ غیر آئینی ترامیم اپنے انجام کو پہنچائیں۔
-
پاکستان ایک دن پہلے
26 ویں آئینی ترمیم، وفاقی کابینہ نے مسودے کی منظوری دے دی
-
دنیا 2 دن پہلے
حزب اللہ نے اسرائیلی وزیراعظم نیتن یاہو کی رہائشگاہ پر حملہ کردیا
-
پاکستان ایک دن پہلے
فیضیاب بی این پی اور پی ٹی آئی کا نیا واویلہ
-
پاکستان ایک دن پہلے
آئینی ترامیم سے قبل پی ٹی آئی کا اپنے 11 ارکان سے رابطہ منقطع
-
پاکستان 2 دن پہلے
اڈیالہ جیل میں قیدیوں سے ملاقات پر پابندی میں دو روز کی توسیع
-
پاکستان 2 دن پہلے
آئینی ترمیم کے مسودے پر اتفاق کے بعد مولانافضل الرحمن نے نیا مطالبہ کر دیا
-
پاکستان ایک دن پہلے
آئینی ترامیم ، پی ٹی آئی کا ووٹنگ کے عمل سے مکمل بائیکاٹ کا اعلان
-
دنیا 5 گھنٹے پہلے
ترکیہ کے معروف مذہبی و سیاسی رہنما فتح اللہ گولن انتقال کر گئے