ملتان سلطانز یا پشاور زلمی ، سپر لیگ کا نیا چیمپئن کون ؟ فیصلہ آج ہوگا

تفصیلات کے مطابق  فیصلہ کن معرکہ پاکستانی وقت کے مطابق رات 9 بجے شروع ہوگا، ملتان سلطانز پہلی بار سپر لیگ کا فائنل کھیلے گی جبکہ پشاور زلمی چوتھی مرتبہ فائنل میں پہنچی ہے ۔ دونوں ٹیموں کے کھلاڑی میدان میں ایک دوسرے کومات دینے  کے لیے تیار ہیں جبکہ کپتان بھی ٹرافی  کیلئے پرجوش ہیں ۔ ملتان سلطانز کی ٹیم  محمد رضوان کی قیادت میں جبکہ  پشاور زلمی وہاب ریاض کی کپتانی میں میدان میں اترے گی ۔

 ملتان سلطانز اسکواڈ میں ، ایڈم لیتھ، جانسن چارلس، رائلی روسو، صہیب مقصود، رحمٰن اللہ گرباز، شیمرون ہٹمائر، خوشدل شاہ، شان مسعود، کارلوس بریتھ وائٹ، حماد اعظم، جیارج لنڈے، محمود اللہ، سہیل تنویر، عثمان قادر، اوبید مکائے، محمد عمر، شاہنواز دھانی، صہیب اللہ، عمران طاہر، سہیل خان، عمران خان شامل ہیں ۔

پشاور زلمی کی ٹیم میں  ڈیوڈ ملر، کامران اکمل (وکٹ کیپر)، روومین پاول، امام الحق، حیدر علی، بسم اللہ خان، شرفین رتھرفورڈجبکہ آل راؤنڈرز میں  شعیب ملک، فیبیئن ایلن، عماد بٹ، عثمان خالد، وہاب ریاض (کپتان)، محمد عرفان، عامر خان، ابرار احمد، محمد عمران، فیڈل ایڈورڈز، مجیب الرحمٰن، وقار سلام خیل، عمید آصف، محمد عمران رندھاوا شامل ہیں ۔

دونوں ٹیمیں پی ایس ایل کی  تاریخ میں 8 مرتبہ مدمقابل آچکی ہیں۔ ان مقابلوں میں ملتان سلطانز نے پشاور زلمی کو 5 مرتبہ مات دی جبکہ 3 مرتبہ شکست کا سامنا کرنا پڑا۔ پی ایس ایل سیزن 6 میں دونوں ٹیمیں 2 بار آمنے سامنے  آئیں، ایک میں سلطانز جیتے تو دوسرے میں زلمی نے جیت اپنے نام کی ۔

اس سےقبل گزشتہ   رات پشاور زلمی نے اسلام آباد یونائیٹڈ کو آٹھ وکٹوں سے شکست دے کر فائنل تک رسائی حاصل کی تھی ۔اسلام آباد یونائیٹڈ نے پہلے بیٹنگ کرتے ہوئے مقررہ بیس اوورز میں نو وکٹوں کے نقصان پر 174 رنز بنائے ۔جس کے جواب میں پشاور زلمی نے مطلوبہ ہدف 16.5 اوورزمیں صرف دو وکٹوں کے نقصان پر حاصل کرلیا ۔حضرت اﷲ زازئی نے 66 جبکہ جوناتھن ویلزنے 55 رنز بنائے۔  پشاور زلمی کے حضرت اﷲ زازئی میچ کے بہترین کھلاڑی قرا ر پائے ۔