پنڈی ٹیسٹ:سعودشکیل کی شاندار سنچری ،پاکستان کوپہلی اننگ میں برتری حاصل

پنڈی ٹیسٹ:سعودشکیل کی شاندار سنچری ،پاکستان نے انگلینڈ کے خلاف پہلی اننگ میں برتری حاصل کر لی۔

سعود شکیل نے  181 گیندوں پر چار چوکوں کی مدد سے سنچری بنائی،نعمان علی  نے 45 رنز  بنا کرنمایا ں رہے

راولپنڈی میں کھیلے جا رہے تیسرے ٹیسٹ میچ کے دوسرے روز پاکستانی کی بیٹنگ لائن مشکلا ت کا شکار نظرآئی ، قومی ٹیم نے اپنی اننگز کا آغاز   تین وکٹوں کے نقصان پر 73 رنز سے شروع کیا۔

پاکستان کی وقفے وقفے سے وکٹیں گرتی رہی،177 رنز پر 7 وکٹیں گرنے کے بعد سعود شکیل نے نعمان علی کے ساتھ مل کر آٹھویں وکٹ کے لیے 88 رنز کی قیمتی پارٹنر شپ قائم کی۔

سعود شکیل نے مشکل وقت میں پاکستان بیٹنگ لائن کو سہارا دیتے ہوئے ذمہ دارنہ بیٹنگ کا مظاہرہ کیا،سعود شکیل نے 181 گیندوں پر  اپنے ٹیسٹ کیرئیر کی چوتھی سنچری مکمل کی۔

پاکستان کی جانب سے عبداللہ شفیق 14، صائم ایوب 19، کپتان شان مسعود 26، کامران غلام 3، محمد رضوان 25، سلمان علی آغا 1 ، عامر جمال 14 اور نعمان علی 45رنز بناکر پویلین لوٹے۔

اس وقت پاکستان کا مجموعی اسکور آٹھ وکٹوں کے نقصان پر 267 ہے۔

واضح رہے کہ قومی ٹیم نے اپنی اننگز تین وکٹوں کے نقصان پر 73 رنز سے شروع کی۔

راولپنڈی میں کھیلے جارہے اس میچ کے پہلے روز انگلینڈ نے ٹاس جیت کر بیٹنگ کا فیصلہ کیا تھا۔

کپتان شان مسعود اور نائب کپتان سعود شکیل نے 16, 16 رنز پر دوسرے دن کےکھیل کا آغاز کیا، اس وقت پاکستان پہلی اننگز میں 194 رنز کے خسارے میں ہے۔

راولپنڈی ٹیسٹ میں آج کھیل کے سیشنز کے اوقات میں تبدیلی کردی گئی ہے، دوسرے روز کاکھیل 10 بجے شروع ہوا،کھانے کا وقفہ ساڑھےبارہ بجےہوگا، دوسرے سیشن کا آغاز ڈیڑھ بجےہوگا, چائے کا وقفہ 3بجے ہوگا۔

راولپنڈی ٹیسٹ کے دوسرے دن کا تیسراسیشن 3 بج کر 20منٹ پر شروع ہوگا، جب کہ کھیل کا اختتام 5 بج کر 20 منٹ پر ہوگا۔