جاپان: مشہور پہاڑ ماؤنٹ فیوجی 130 سال بعدبرف سے محروم،مگر کیوں؟

دنیا کے مشہوراور فعال آتش فشاں پہاڑوں میں شامل ماؤنٹ فیوجی موسمیاتی تبدیلی کی وجہ سے 130 سال بعد برف سے محروم ہو گیا ہے۔
جاپانی محکمہ موسمیات کے مطابق جاپانی جزیرے ہونشو پر واقع  جاپان کا سب سے بلند پہاڑ ماؤنٹ فیوجی  جس کی 12,000 فٹ اونچی چوٹی پر 130 سال سے برف موجود تھی اور نظارے کا اہم جزو تھی، وہ اب کئی دنوں سے ختم ہوچکی ہے۔

میڈیا رپورٹس میں بتایا گیا ہے کہ ماؤنٹ فیوجی  ہر سال اکتوبر کے آغاز سے ہی برف کی چادر اوڑھ لیتا ہے لیکن بد لتے موسم اور بڑھتے درجہ حرارت کی وجہ سے رواں سال اکتوبر کے ماہ میں بلند و بالا پہاڑ برف سے محروم رہا۔

پورٹس کے مطابق ماؤنٹ فیوجی پر رواں سال تاحال برف باری نہ ہونے کی وجہ سے 130 سالہ ریکارڈ ٹوٹ گیا ہے،موسمیاتی ایجنسی کے مطابق، اس سے قبل یہ واقعہ 1894 میں پیش آیا تھا۔

ماہرین کا کہنا کہ رواں سال جاپان میں ریکارڈ توڑ گرمی دیکھی گئی ہے اور جون سے اگست تک اوسط درجہ حرارت میں 1.76 ڈگری سینٹی گریڈ اضافہ ہوا ہے۔