پاکستان کے نامور اسٹیج رائٹر منیر راج انتقال کر گئے

پاکستان کے نامور اسٹیج رائٹر منیر راج علالت کے باعث انتقال کر گئے۔

 تفصیلات کے مطابق منیر راج پھیپھڑوں اور دل کے عارضہ میں مبتلا تھے جبکہ گزشتہ دو ماہ سے وہ اسپتال میں زیر علاج تھے۔

منیر راج کے اہل خانہ کی جانب سے ان کے انتقال کی خبر کی تصدیق کی گئی ہے۔

رائٹر منیر راج کا شمار پاکستان کے نامور اسٹیج رائٹرز میں ہوتا تھا، منیر راج نے لا تعداد اسٹیج ڈرامے تحریر کئے اور انڈسٹری میں اپنا نام منوایا۔

ان کے مشہور ڈراموں میں رولا داج دا، فیقا ان امریکا ،نظام سقہ ،اک نواں تماشا، سینڈل اور سکینڈل ،ڈسکو دیوانے ،کالا کرما والا اور دیگر شامل ہیں۔