پاکستانی اسپنر نعمان علی کے لیے بڑا اعزاز

انٹرنیشنل کرکٹ کونسل (آئی سی سی) نے قومی ٹیم کے لیفٹ آرم اسپنر نعمان علی کو انگلینڈ کے خلاف ٹیسٹ سیریز میں شاندار کارکردگی پر پلیئر آف دی منتھ قرار دے دیا۔

نعمان علی نے انگلینڈ کے خلاف ٹیسٹ سیریز کی جیت میں اہم کردار ادا کیا تھا، انہوں نے سیریز میں 13.85 کے اوسط سے 20 کھلاڑیوں کو آؤٹ کیا تھا۔

اس سے قبل پاکستانی بلے باز بابر اعظم نے اگست 2023 میں یہ اعزاز حاصل کیا تھا، آئی سی سی نے پلیئر آف دی منتھ کیلئے جنوبی افریقا کے ربادا اور نیوزلینڈ کے مچل سینٹنر کو بھی نامزد کیا تھا۔

اسپنر نعمان علی کا کہنا ہے کہ آئی سی سی پلیئر آف دی منتھ کا ایوارڈ  میرے لیے ایک اعزاز ہے، تاریخی پرفارمنس کے لیے اسپورٹ کرنے پر ٹیم کے ساتھیوں کا بھی شکریہ ادا کرتا ہوں۔