ماضی کی اداکارہ بیگم خورشید شاہد انتقال کر گئیں

تفصیلات کے مطابق  ماضی کی  مشہور اداکارہ بیگم خورشید شاہد95 برس کی عمر انتقال کر گئیں۔ بیگم خورشید شاہد کا انتقال حرکت قلب بند ہونے سے ہوا ہے۔

اداکارہ خورشید شاہد  اداکار سلمان شاہد کی والدہ تھیں۔ بیگم خورشید شاہد کی نماز جنازہ آج 4 بجے ڈیفنس فیز 2 ٹی بلاک میں اداکی جائے گی جبکہ ان کی تدفین فیز 7 کے قبرستان میں کی جائے گی۔

خیال رہے بیگم خورشید شاہد نے اپنے کیریئر کا آغاز آل انڈیا ریڈیو سے 9 سال کی عمر میں کیا تھا ۔ ان کے مقبول ڈراموں میں زیر زبر پیش، انکل عرفی، کرن کہانی، پرچھائیں اور دھند شامل ہیں۔

بیگم خورشید شاہد آل پاکستان ویمن ایسوسی ایشن کی عہدیدار بھی تھیں جنہیں 1984 میں صدارتی تمغہ برائے حسنِ کارکردگی سے نوازا گیا۔