ضمنی انتخاب :شیخوپورہ میں عام تعطیل کا اعلان

ضلع شیخوپورہ میں ضمنی انتخاب کے باعث عام تعطیل کا اعلان کر دیا گیا۔

ڈپٹی کمشنر شیخوپورہ  کی جانب سے جاری کردہ نوٹیفکیشن کے مطابق پنجاب اسمبلی کے حلقہ پی پی 139 فیروزوالا میں 5 دسمبر کو ضمنی انتخاب ہوگا جس کے پیش نظر ضلع بھر  میں انتخاب کے روز عام تعطیل کا اعلان کر دیا گیا ہے۔

اس حوالے سے الیکشن کمیشن آف پاکستان (ای سی پی) کی جانب سے  ڈپٹی کمشنر شیخوپورہ شاہد عمران مارتھ کو ڈسٹرکٹ ریٹرننگ آفیسر مقرر کر دیا ہے۔

واضح  رہے کہ صوبائی اسمبلی کی سیٹ  پی پی 139 کی نشست رانا افضال حسین کی وفات کے بعد خالی ہوئی تھی، اس سے قبل ان کے بھائی  رانا تنویر حسین کی جانب سے نشست چھوڑنے کے بعد ضمنی انتخاب میں رانا افضال حسین  ممبر پنجاب اسمبلی منتخب ہوئے تھے۔