سمندر کنارے یوگا کرنے والی روسی اداکارہ  لہروں کا شکا ر بن گئیں،ویڈیو سوشل میڈیا پر وائرل

روس سے تعلق رکھنے والی  نوجوان  اداکارہ کمیلا بیلیٹسکیا تھائی لینڈ کے ایک مشہور سیاحتی مقام پر یوگا کرتے ہوئے ایک المناک حادثے میں ہلاک ہو گئی، جس کی ویڈیو وسوشل میڈیا پر وائرل ہوگئی۔

غیر ملکی میڈیا کے مطابق کمیلا یوگا میٹ پر تھائی لینڈ کے جزیرے کوہ ساموئی کے دلکش مناظر کے سامنے بیٹھ کر اپنی ویڈیو بنا رہی تھیں اسی دوران  تیزی سے آتی ہوئی ایک بڑی لہر نے انہیں اپنی لپیٹ میں لے لیا۔

پولیس کے مطابق  روسی اداکارہ کمیلا بیلیٹسکیا سرخ رنگ کی کار میں ایک ساحل کے قریب یوگا کے لیے پہنچی تھیں، جہں ایک بڑی چٹان پر یوگا کے دوران ایک تیز لہر انہیں اپنے ساتھ بہا لے گئی جس سے ان کی موت واقع ہوگئی۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Daily Mail (@dailymail)

اس واقعے کی ویڈیو سوشل میڈیا پر وائرل ہو رہی ہے، ویڈیو میں کمیلا کو سمندر کی بڑی لہر میں ڈوبتے اور اپنی جان بچانے کی جدوجہد کرتے دیکھا جا سکتا ہے، بتایا جارہا ہے کہ ایک عینی شاہد نے انہیں بچانے کی کوشش کی لیکن وہ اس میں  کامیاب نہ ہو سکا۔

رپورٹ کے مطابق ریسکیو ٹیم واقعے کے 15 منٹ بعد وہاں  پہنچی،شروعات میں انہیں تیز سمندری لہروں کے باعث تلاش روکنی پڑی لیکن بعد ازاں ریسکیو ٹیم نے اداکارہ کی لاش کو پانی سے نکال لیا۔

میڈیا رپورٹ کے مطابق  روسی اداکارہ اپنے بوائے فرینڈ کے ہمراہ تھائی لینڈ بیچ پر یوگا کرنے گئی تھی، بتایا گیا ہے کہ جہاں روسی اداکارہ کمیلا کی موت واقع ہوئی وہ ان کے لیے سب سے پرسکون مقام ہوا کرتا تھا۔

 اداکارہ کی موت کے بعد ساموئی ریسکیو سینٹر کے سربراہ چائی پورن سبپراسرٹ کی جانب سے جاری بیان میں کہا گیا ہے  کہ مون سون سیزن کے دوران ہم سیاحوں کو مسلسل متنبہ کرتے ہیں، خاص طور پر چاوینگ اور لامائی کے ساحل پر جہاں ڈوبنے کا خطرہ زیادہ ہوتا ہے وہاں سرخ جھنڈے تیراکی نہ کرنے کی نشاندہی کرتے ہیں۔

اسافسوسناک واقعے کے بعد حکام نے مذکورہ مقام پر سیاحوں کے جانے پر مکمل پابندی عائد کردی۔