انسداد دہشتگردی عدالت نے رانا ثناء اللہ کے ناقابل ضمانت وارنٹ گرفتاری جاری کر دیے

انسداد دہشتگردی عدالت(اے ٹی سی) نے وزیراعظم کے مشیر رانا ثناء اللہ کے ناقابل ضمانت وارنٹ گرفتاری جاری کر دیے۔
رانا ثنا اللہ کے وارنٹ گرفتاری انسداد دہشت گردی عدالت گوجرانوالہ میں جوڈیشل مجسٹریٹ سدرہ گل نواز نے جاری کیے۔

عدالت نے رانا ثناء اللہ  کو گرفتار کر کے 12 دسمبر کو عدالت میں پیش کرنے کا حکم دیا۔

 واضح رہے کہ  رانا ثناء اللہ  کے خلاف تھانہ سیٹلائٹ ٹاؤن میں مقدمہ درج ہے، مقدمہ 16 اکتوبر 2020 کو گوجرانوالہ میں پی ڈی ایم جلسے کے روز درج کیا گیا تھا۔
ایف آئی آر میں رانا ثناء اللہ  پر کنٹینر ہٹانے اور پولیس اہلکاروں پر گاڑی چڑھانے کا الزام عائد کیا گیا تھا۔
جبکہ اس مقدمے میں نون لیگی رہنماخرم دستگیر، عمران خالد اور سلمان خالد بٹ پہلے ہی بری ہو چکے ہیں۔