شام :مسلح افراد کا  ایرانی سفارت خانے پر حملہ، توڑ پھوڑ

شام کے دارالحکومت  دمشق پر باغیوں کے قبضے کےبعد مسلح افراد نے ایرانی سفارت خانے پر حملہ کرتے ہوئے توڑ پھوڑ  اور املاک کو نقصان پہنچایا ۔
عرب میڈیا کے مطابق اتوار کو بشار اسد کی حکومت کے سقوط اور دمشق پر مسلح افراد کا تسلط قائم ہونے کے بعد اسلامی جمہوریہ ایران کے سفارت خانے پر حملہ کیا گیا ۔

  العربی ٹی وی چینل سے نشر ہونے والی فوٹیج میں دیکھا جا سکتا ہے کہ مسلح افراد ایرانی سفارت خانے میں داخل ہونے کے بعد لوٹ مار کر رہے ہیں۔

سفارت خانے پر حملے کا واقعہ عین  اُس وقت پیش آیا جب شامی فوج کی کمان نے ایک بیان میں افسران کو مطلع کیا کہ صدر بشار الاسد کی حکومت گر گئی۔

واضح رہے کہ شام میں باغی گروہ تحریر الشام نے دارالحکومت پر قبضہ کر لیا ہے جس سے شامی صدر بشار الاسد کے 24 سالہ طویل دور کا خاتمہ مممکن ہو گیا اوروہ ملک سے نامعلوم مقام کی جانب طیارے میں فرار ہوگئے۔