پی ٹی آئی غیرملکی ایجنڈے پرچل رہی ہے، شرجیل میمن

شرجیل میمن نے کہا ہے کہ پی ٹی آئی غیرملکی ایجنڈے پرچل رہی ہے، بانی پی ٹی آئی نے ہمیشہ پاکستان کونقصان پہنچایا، بانی پی ٹی آئی نے پہلے بھی سول نافرمانی کی کال دی تھی۔

انھوں نے کہا کہ سندھ میں سب سےزیادہ بیرونی سرمایہ کاری آئی، اس وقت بھی فارن انویسٹرزپاکستان آئےہوئے ہیں، آج صبح غیرملکی سرمایہ کاروں کی وزیراعلیٰ سےملاقات ہوئی، نوجوانوں کوروزگارکی فراہمی اولین ترجیح ہے۔

وزیراطلاعات سندھ شرجیل میمن نے کراچی میں نیوزکانفرنس کرتے ہوئے کہا کہ پی ٹی آئی رہنماؤں کوکہیں سے اکسایاجاتا ہے، دھرنے میں پاکستانیوں کوکہاگیامنی لانڈرنگ، حوالہ ہنڈی کرو، پی ٹی وی، ریڈیو پاکستان کوآگ لگائی گئی، بسوں کوجلایاگیا، بانی پی ٹی آئی ہروہ کام کرے گا جس سے پاکستان کونقصان ہو۔

وزیراطلاعات سندھ نے کہا کہ مجھے نہیں معلوم بانی پی ٹی آئی کی جان کوخطرہ ہے یا نہیں، فیصل واوڈا اسلام آباد میں ہوتے ہیں انہیں زیادہ علم ہوگا، فیصل واوڈا نے کوئی بات کہی تووہ بہت زیادہ معلومات رکھتےہیں۔

شرجیل میمن نے کہا کہ میڈیکل سیکٹرمیں ایک ارب ڈالرکی سرمایہ کاری متوقع ہے، دھابیجی فارن اکنامک زون میں سرمایہ کاری کااعادہ کیا گیا،  فارن اکنامک زون میں سرمایہ کاری سے 50 ہزارنوکریاں ملیں گی، پاکستان میں سب سےسستی بجلی تھرکےکوئلےسےبن رہی ہے۔

وزیراطلاعات سندھ نے کہا کہ سندھ حکومت کراچی میں میڈیکل سٹی بنانےجارہی ہے، ہم چاہتے ہیں کراچی سےسکھرتک بلٹ ٹرین چلے، پاکستان میں سرمایہ کاری کےبہت مواقع ہیں، مختلف محکمےغیرملکی سرمایہ کاروں سےمیٹنگ کریں گے، ہرعام آدمی سوچ رہا ہے حکومت ہمارے لیے کیا کررہی ہے۔