بلوچستان بھر میں انسداد پولیو کی 7 روزہ مہم کل سے شروع ہو رہی ہے

بلوچستان بھر میں انسداد پولیو کی 7 روزہ مہم کل سے شروع ہو رہی ہے، جو رواں سال کی آخری پولیو مہم ہوگی۔
 ایمرجنسی آپریشن سینٹر کے مطابق اس مہم کا آغاز 16 دسمبر کو ہونا تھا، لیکن مختلف وجوہات کی بنا پر اسے تین مرتبہ مؤخر کیا گیا تھا۔

اس مہم کے دوران 26 لاکھ سے زائد بچوں کو پولیو کے قطرے پلائے جائیں گے، اور والدین سے اپیل کی گئی ہے کہ وہ پولیو ٹیموں کے ساتھ بھرپور تعاون کریں اور اپنے بچوں کو پولیو سے بچاؤ کے قطرے ضرور پلائیں۔

رواں سال بلوچستان سے پولیو کے سب سے زیادہ کیسز رپورٹ ہوئے ہیں، جن کی تعداد 27 ہے، جب کہ ملک بھر سے 67 پولیو کے کیسز رپورٹ ہوئے ہیں۔

ایمرجنسی آپریشن سینٹر نے والدین کو آگاہ کیا ہے کہ پولیو کے خاتمے کے لیے ان کی تعاون کی ضرورت ہے تاکہ ملک کو اس خطرناک بیماری سے بچایا جا سکے۔