نیوزی لینڈ کے بعد آسٹریلیا میں بھی شاندار آتش بازی سال نو 2025 کا آغاز

نیوزی لینڈ میں رات کے 12 بجتے ہی شاندار آتش بازی اور رنگا رنگ جشن کے ساتھ سال نو 2025 کا آغاز ہوگیا۔

عالمی خبر رساں ادارے کے مطابق سال 2025 کا آغاز سب سے پہلے بحر الکاہل کے نیم آباد علاقوں سے ہوا جس کے بعد نیوزی لینڈ اور پھر آسٹریلیا میں نئے سال نے قدم رکھا۔

سال نو کے پہلے بھرپورجشن کا اہتمام نیوزی لینڈ کا سب سے بڑے شہر آکلینڈ میں کیا گیا تھا جہاں 12 بجتے ہی آسمان پر برق و نور کے نظارے پھوٹ پڑے۔نیوزی لینڈ میں شاندار آتش بازی سے شہریوں نے نئے سال کا استقبال کیا۔ شہری بڑی تعداد میں جمع ہوئے اور ہم آواز ہوکر کاؤنٹ ڈاؤن میں حصہ لیا۔

جیسے ہی گھڑیال نے 12 بجے کا ڈنکا بجایا۔ ہر طرف سے رنگا رنگ آتش بازی شروع ہوگئی۔ آسمان پر حسین اور دلکش مناظر دیکھنے کو ملے۔ نیوزی لینڈ کے بعد نئے کو خوش آمدید کہنے والی دوسری قوم آسٹریلوی ہیں جہاں تقریباً ہر بڑے شہر میں جشن سال نو کی تقاریب کا انتظام کیا گیا۔

جزائر غرب الہند میں جزیرہ کیرٹیمیسی نئے سال کا استقبال کرنے والا پہلا آباد جزیرہ ہو گا۔ یہاں کی آبادی تقریبا پانچ ہزار نفوس پر مشتمل ہے۔ دنیا میں سال نو منانے والا سب سے آخری علاقہ امریکا کا ساموا ہوگا۔

نیوزی لینڈ کے دار الحکومت ویلنگٹن میں شہر کے وسط میں واقع جھیل میں آتش بازی کا مظاہرہ اور موسیقی کا انعقاد کیا گیا۔ 
نیوزی لینڈ میں سال نو کے  دو گھنٹے بعد پوری دنیا کی نظریں آسٹریلیا کے شہر سڈنی پر تھی جہاں دوسرے نمبر پر سال کا آغاز کیاگیا اور سورج غروب ہوا ۔   بندر گاہ کا آسمان بڑے پیمانے پر جشن کی تصویر بن گیا ۔