پھالیہ: مکان میں آتش گیر مواد پھٹنے سے خواتین سمیت 6 افراد جاں بحق

منڈی بہاوالدین:پنجاب کے ضلع منڈی بہاوالدین میں مکان میں آتش گیر مادہ پھٹنے سے 4 خواتین اور ایک بچی سمیت 6 افراد جاں بحق ہوگئے۔
یہ واقعہ پنجاب کے ضلع منڈی بہاؤالدین کی تحصیل پھالیہ کے علاقہ کوٹ پھلے شاہ میں پیش آیا،جہاں آتش بازی کے سامان میں آگ لگنے کے باعثدھماکا ہوا، جاں بحق ہونے والے افراد میں 4 خواتین اور ایک بچی بھی شامل ہے۔
دھماکےکی اطلاع پر امدادی ٹیمیں فوری طور پر موقع پر پہنچ گئیں، زخمیوں کو ہسپتال منتقل کر دیا گیا ہے جبکہ متعدد زخمیوں کی حالت تشویشناک بتائی جا رہی ہے۔
اطلاع ملتے ہی پولیس کی ٹیمیں بھی موقع پر پہنچ گئیں، پولیس نے واقعہ کی تحقیقات شروع کر دی۔