لیجنڈ اداکار دلیپ کمار سانس کی تکلیف کے باعث ہسپتال داخل

بھار تی میڈیا کے مطابق  92 سالہ اداکار  دلیپ کمار کو سانس  لینے میں دشواری کے باعث   احتیاطی اقدامات کے طور پر فورا ہسپتال لے جایا گیا۔ہسپتال ذرائع کے مطابق انہیں گذشتہ روز دن کے وقت   ہسپتال لایا گیا تھا۔ ان کی طبیعیت بہتر ہے ، اور وہ آئی سی یو میں  ڈاکٹرز کی زیر نگرانی ہیں ۔

رواں ماہ کے آغاز میں بھی دلیپ کمار کو سانس لینے  میں دشواری کے سبب  ہسپتال میں داخل کرایا گیا تھا۔جہاں  ا ن کو پھیپھڑوں میں پانی بھرنے  (bilateral pleural effusion ) کی تشخیص ہوئی تھی تاہم پانچ دن بعد ان کو  اسپتال سے فارغ کردیا گیا تھا۔

پانچ دہائیوں پر محیط لیجنڈ بھارتی  اداکار  نے اپنے کیریئر میں  دیوداس ، مغل اعظم ، نیا ڈور ، اور رام اور شیام جیسی کامیاب فلمیں دی ہیں ۔ سال 1998 میں  وہ آخری بار فلم"  قلعہ" میں جلوہ گر ہوئے تھے ۔