آئی سی سی نے ٹی ٹوئنٹی اور ٹیسٹ فارمیٹ کی نئی رینکنگ جاری کر دی

تفصیلات کے مطابق : انٹرنیشنل کرکٹ کونسل (آئی سی سی )  کی  ٹی ٹوئنٹی رینکنگ کے مطابق   انگلنیڈ کے ڈیوڈ میلان پہلے نمبر پر بدستور براجمان ہیں جبکہ آسٹریلیا کے  ایرن فنچ دوسرے   نمبر پر ہیں  ۔ ٹی ٹوئنٹی  فارمیٹ میں پاکستان کے بابر اعظم تیسرے  نمبر پر  برقرار ہیں ۔ڈیوڈ کانوائے چوتھے جبکہ بھارتی کپتان ویرات کوہلی بدستور پانچویں نمبر پر ہیں ۔

 ٹی ٹوئنٹی آل راؤنڈز کی نئی درجہ بندی میں  باؤلنگ کی رینکنگ میں   ساؤتھ افریقہ کے تبریز شمسی نے  پہلے  نمبر پر جگہ بنا لی  ، افغانستان کے راشد خان  ایک درجہ تنزلی کے ساتھ دوسرے نمبر پر آگئے ہیں ۔

آ ئی سی سی کی جانب سے ٹی ٹوئنٹی آل راؤنڈز کی نئی درجہ بندی میں افغانستان کے محمد نبی پہلی پوزیشن، بنگلہ دیش کے شکیب الحسن دوسرے جبکہ آسٹریلیا کے گلین میکس ویل تیسرے نمبر پر ہیں، ٹی ٹوئنٹی کی آل راؤنڈز کٹیگری میں بھی کوئی پاکستانی جگہ نہیں بنا سکا ہے ۔

ٹیسٹ فارمیٹ میں بیٹنگ اور باؤلنگ میں کوئی پاکستانی ٹاپ ٹین میں جگہ نہیں بنا سکا ۔ٹیسٹ فارمیٹ کے بیٹنگ فارمیٹ  میں کین ولیم سن پہلے ، اسٹیو اسمتھ دوسری پوزیشن پر آگئے ۔