کیا کورونا سے یاداشت متاثر ہوتی ہے ؟

عالمی وبا کورونا وائرس   کی ان علامات میں سے کسی ایک میں بھی مبتلا ہونیوالا  شخص ڈپریشن  یا افسردگی کا شکار ہو سکتا ہے۔سعودی ویب سائٹ کے مطابق یادداشت کے کھو جانے سے جذبات اور یادیں بھی متاثر ہوتی ہیں، خاص طور پر طویل المعیاد یادیں متاثر ہونے کا خدشہ بڑھ جاتا ہے ۔ ماہرین کا کہنا ہے کہ دماغ کے سامنے والے حصے میں موجود اولفیکٹری بلب کے ذریعے کسی بھی قسم کی بو کو پہچاننے میں مدد ملتی ہے۔ یہاں موجود اعصابی ریسیپٹرز کے ذریعے  خوشبو یا بدبو دماغ کے ان حصوں کو پہنچتی ہے جن کا تعلق جذبات اور یادداشت سے ہوتا  ہے۔یہی وجہ ہے کہ کسی نہ کسی چیز کی  بو سے   لوگوں کی یادیں بھی  منسلک ہو سکتی ہیں۔ یہ بھی ممکن ہے کہ کوئی مخصوص بو کسی ایسی یاد کو جنم دے جو کچھ لوگوں کے لیے خوشگوار نہیں ہوتیں۔ اس سب سے یہ نتیجہ نکلا کہ سونگھنے کی حس ہمارے جذباتی تجربات سے وابستہ ہوتی ہے۔

ایک تحقیق کے مطابق  سونگھنے کی حس اور افسردگی کے مابین ایک باہمی رشتہ ہے کیونکہ سونگھنے کے احساس سے محرومی  افسردگی کے جذبات کو تیز کرتا ہے اور یہ افسردگی سونگھنے کی حس کے احساس کے کھو جانے کا باعث بن سکتی ہے۔

اس تحقیق میں 322  افراد کو شامل  کیا گیاجو کہ کورونا سے متاثر تھے  اور ان  کی سونگھنے کی حس مکمل یا جزوی طور پر غائب تھی، ان میں سے 56 فیصد افراد کاکہنا تھا کہ سونگھنے کی حس متاثر ہونے سے ان کی  زندگی میں خوشی جیسے غائب ہوگئی ہے جبکہ 43 فیصد کا کہنا تھا کہ وہ ڈپریشن کا شکار ہو گئے ہیں۔

کورونا وائرس کا  اثر صرف ہمارے جذبات پر  نہیں ہوتا بلکہ یہ ہماری یادوں کو بھی ابھارتا ہے۔ذرا  تصور کریں کہ جذبات اور یادوں سے بھر پور زندگی سے اچانک یہ سب ختم ہو جائے۔ کورونا وائرس سے صحت یاب ہونے کے دو ماہ بھی اگرمریض کی  سونگھنے کی حس بحال نہیں ہوئیں تو وہ  چند ٹوٹکوں کے ذریعے  اپنی حس کو واپس لانے کی کوشش کر سکتے ہیں۔