اینٹی نارکوٹکس فورس پنجاب کی تعلیمی اداروں میں انسداد منشیات آگاہی مہم کا انعقاد

لاہور:اینٹی نارکوٹکس فورس(اے این ایف) کی جانب سے پنجاب کےتعلیمی اداروں میں جاری انسداد منشیات مہم کے سلسلے میں کنگ ایڈورڈ میڈیکل یونیورسٹی لاہور میں ایک آگاہی سیشن کا انعقاد کیا گیا۔ 
اس موقع پر علامہ اقبال میڈیکل کالج، یونیورسٹی آف ساؤتھ ایشیا، یونیورسٹی آف انجینئرنگ اینڈ ٹیکنالوجی(UET) لاہور، اور یونیورسٹی آف مینجمنٹ اینڈ ٹیکنالوجی (UMT) کے اہم فیکلٹی ممبران اور طلباء بھی موجود تھے۔ 
آگاہی سیشن سےڈائریکٹر جنرل اینٹی نارکوٹکس فورس میجر جنرل عبدالمعید (ہلال امتیاز ملٹری) نے طلباء اور فیکلٹی ممبران کے ساتھ گفتگو کی۔ انہوں نے معاشرے میں منشیات کے بڑھتے ہوئے رجحان پر بھی بات چیت کی اور اس کے تدارک کے لیے اینٹی نارکوٹکس کی کاوشوں کو اجاگر کیا۔

طلباء نے ڈائریکٹر جنرل کے ساتھ گفتگو میں گہری دلچسپی ظاہر کی اور متعدد سوالات کیے جن کے جامع جوابات فراہم کیے گئے۔ 
مزید برآں، طلباء اور فیکلٹی میں سے چند برانڈ ایمبیسڈرز بھی نامزد کیے گئے تاکہ اس پیغام کو وسیع پیمانے پر پھیلایا جا سکے۔