مالی سال کے اختتام پر ڈالر 6اعشاریہ 2فیصد سستا ہوا

تفصیلات کے مطابق رواں ہفتے کے تیسرے کاروباری روز کے دوران ایک مرتبہ پھرا مریکی ڈالر مزید 20 پیسے سستا ہو گیا اور قدر 157 روپے 74 پیسے کم ہو کر 157 روپے 54 پیسے ہو گئی ہے۔

مالی سال کے اختتام پر ڈالر 6اعشاریہ 2فیصد سستا ہوا ہے جبکہ  مالی سال کے دوران ڈالر 10روپے 51پیسے سستا ہوا۔ گزشتہ مالی سال کے اختتام پر انٹر بینک میں  ڈالر  168 روپے 5پیسے پر بند ہوا تھا۔

دوسری جانب پاکستان سٹاک مارکیٹ میں زبردست تیزی  دیکھنے میں آئی ہے، 100 انڈیکس 218.25 پوائنٹس بڑھ گیا اور کاروبار کا اختتام 47356.02 پوائنٹس کی سطح پر پہنچ کر بند ہوا۔ پورے کاروباری روز کے دوران کاروبار میں  15 کروڑ 29 لاکھ 41 ہزار 363 شیئرز کا لین دین ہوا جس کے باعث سرمایہ کاروں کو 40 ارب روپے سے زائد کا فائدہ ہوا۔

سونے کی فی تولہ  قیمت میں کمی ہوئی ہے،فی تولہ سونا  600 روپے کمی سے 108000 روپے پر آگیا۔جبکہ  فی 10 گرام سونا 515 روپے کمی سے 92592 پر آگیا  ہے۔عالمی مارکیٹ میں سونا سونا 10 ڈالر کمی سے 1758 ڈالر فی اونس میں فروخت ہوا۔