جنوبی افریقہ : بیک وقت ایک سے زیادہ شوہر رکھنے کی اجازت کی تجویز

غیر ملکی خبر رساں ادارے کے مطابق جنوبی افریقی حکومت کیجانب سے خواتین کو بہ یک وقت ایک سے زائد مردوں سے شادی کرنے کو قانونی حیثیت دینے کی تجویز دی گئی ہے۔

جنوبی افریقہ  میں خواتین کا بہ یک  وقت میں ایک سے زائد مردوں سے شادی کرنے کے رجحان میں اضافہ دیکھا گیا ہے۔ محکمہ داخلہ نے خواتین کے ایک وقت میں دو شوہر رکھنے یعنی  polyandry کو قانونی حیثیت دینے کی تجویز پیش کردی ہے۔

قبل ازیں اعلیٰ حکومتی حکام بھی شادی کے قوانین میں غیر معمولی تبدیلیوں کا عندیہ دے چکے ہیں۔

دوسری جانب  سماجی حلقوں کی جانب سے  ایک سے زائد شوہر رکھنے کی قانونی اجازت کی حکومتی تجویز پر  شدید تنقید کی جار ہی ہےجبکہ   مذہبی رہنما پہلے اسے ناقابل قبول قرار دیکر مسترد کر چکے ہیں۔

اپوزیشن جماعتوں نے  حکومت کو تنبیہ  کی ہے کہ ایسے کسی بھی قانون کو لانے سے باز رہے جس سے افریقی تہذیب برباد ہوجائے۔

مختلف حلقوں کی جانب سے شدید تنقید کے بعد حکومت نے یوٹرن لیتے ہوئے کہا کہ وزیر داخلہ کی جانب سے پیش کی گئی تجویز گرین پیپر کا حصہ ہے جس کا حکومتی پالیسی سے کچھ لینا دینا نہیں ہے۔