ٹک ٹاکررجب بٹ کا ممکنہ گرفتاری سے بچنے کے لیےلاہور ہائیکورٹ سے رجوع 

لاہور:معروف ٹاک ٹاکراور یوٹیوبر رجب بٹ نے اپنی ممکنہ گرفتاری سے بچنے کے لیےعدالت میں حفاظتی ضمانت کی درخواست دائر کر دی۔
ٹک ٹاکررجب بٹ کے خلاف کراچی میں نماز کی بے حرمتی کا مقدمہ درج ہے جس میں رجب نے پولیس کی گرفتاری سے بچنے کےلیے لاہور ہائیکورٹ میں حفاظتی ضمانت کی درخواست دائر کی ہے۔
رجب بٹ کی جانب سےدرخواست میں موقف اختیار کیا گیا ہے کہ خدشہ ہے رجب بٹ کو کراچی میں داخلے پر گرفتار کرلیا جائے گا، اس لیے حفاظتی ضمانت منظور کرلی جائے۔
ٹک ٹاکررجب بٹ اپنے وکلا کے ہمراہ لاہور عدالت میں پیش ہوئے اور مؤقف اختیار کیا کہ وہ کیس کی پیروی کےلیے کراچی کی متعلقہ عدالت میں پیش ہونا چاہتے ہیں لیکن خدشہ ہے کہ عدالت میں پیش ہونے سے پہلے پولیس انہیں گرفتار کرلے گی۔
لاہور ہائیکورٹ کے جسٹس فاروق حیدر نے حفاظتی ضمانت پر سماعت کرتے ہوئے سات روز کی حفاظتی ضمانت منظور کرلی ہے۔
خیال رہے کہ ٹک ٹاکر کے خلاف بیہودہ اور فحش حرکات کی ویڈیوز اپلوڈ کرنے پر ملتان کی عدالت میں بھی سماعت کی گئی تھی۔