ویسٹ انڈیز کیخلاف دوسرے ٹیسٹ میچ کے لیےقومی اسکواڈ میں امام الحق کی شمولیت کا امکان

لاہور:پاکستان اور ویسٹ انڈیز کے خلاف کھیلے جانے والے دوسرے ٹیسٹ میچ میں قومی ٹیم کے اسکواڈ میں ایک تبدیلی کا امکان ہے۔
میڈیا رپورٹس کے مطابق ویسٹ انڈیز کے خلاف میچ میں امام الحق کو ٹیم میں شامل کئے جانے کا امکان ہے۔ 
رپورٹس کے مطابق ٹیم مینجمنٹ اور سلیکشن کمیٹی ٹیم میں ایک اضافی بیٹر کھلانے کی خواہش مند ہے،اگر امام الحق کو ٹیم میں شامل کیا جاتا ہے تو محمد ہریرہ کے ساتھ وہ اننگز کا آغاز کریں گے۔
رپورٹس میں کہا گیا ہے کہ امام الحق کے کھیلنے کی صورت میں خرم شہزاد کو ٹیم سے ڈراپ کیا جائے گا۔
واضح رہے کہ پاکستان اور ویسٹ انڈیز کے درمیان دوسرا ٹیسٹ میچ کل پچیس جنوری سے ملتان میں شروع ہو رہا ہے، جبکہ پہلے ٹیسٹ میچ میں پاکستان نے فتح حاصل کی تھی۔