خیبرپختونخوا:صوبائی حکومت کا پولیس طرز پر نئی فورس بنانے کا فیصلہ

پشاور:صوبائی حکومت کی جانب سے خیبر پختونخوا میں پولیس کی طرز پر نئی فورس بنانے کا فیصلہ کیا گیا ہے۔
صوبے میں نئی فورس کے قیام کے حوالے سےریگولیٹری فورس بل اسمبلی میں پیش کیا گیا ۔فورس ریگولیٹری قوانین پر عمل درآمد کو یقینی بنانے کیلئے بنائی جائے گی۔
فورس بل مسودے کے مطابق ریگولیٹری فورس کیلئے الگ پولیس اسٹیشنز اوریونیفارم ہوگی۔
نئ فورس ماحولیاتی تحفظ، قیمتوں پر کنٹرول سمیت 19 قوانین کی خلاف ورزیوں پر نظر رکھے گی۔
اس کے علاوہ ریگولیٹری فورس کو کنال اینڈ ڈرینج ایکٹ، الیکٹریسٹی ایکٹ کی خلاف ورزی پربھی قانونی کارروائی کا اختیا ر ہوگا۔ریگولیٹری فورس کا ہیڈ آفس پشاور میں ہوگا، ہر ضلع میں الگ الگ ریگولیٹری فورس ہوگی۔
ریگولیٹری فورس کیلئے نئی بھرتیاں یا پولیس فورس اور لیویز اہلکاروں کو شامل کیا جائے گا۔