معروف بالی وڈ اداکار راجپال یادیو کے والد انتقال کر گئے

ممبئی: بالی وڈ کے معروف کامیڈین اداکار راجپال یادیو کے والد  نورنگ یادیو انتقال کر گئے۔
انڈین میڈیارپورٹس کے مطابق نورنگ یادیو کافی عرصے سے بیماری کا شکار تھے اور طبی نگہداشت کے باوجود ان کی حالت مزید بگڑ گئی جس کے نتیجے میں وہ آج جمعہ 24 جنوری کو دہلی کے ایمس اسپتال میں انتقال کر گئے۔
راجپال یادیو حال ہی میںاپنی نئی آنے والی فلم کی شوٹنگ کے سلسلے میں تھائی لینڈ مقیم تھے تا ہم واپسی کے اگلے روز اپنے اہل خانہ کے ساتھ وقت گزارنے کے لیے دہلی پہنچے تھے۔
واضح رہے کہ چندر وز قبل ہی اداکار راجپال یادو کو دھمکی آمیز ای میل موصول ہوئی تھی ، جس میں سنگین نتائج کی دھمکیاں دی گئی تھیں۔
پولیس نے معاملے کی تحقیقات شروع کر دی ہیں، جبکہ راجپال یادیو نے اس پر مزید تبصرے سے گریز کیا ہے۔ ایک پیغام میں انہوں نے مداحوں کو یقین دلایا کہ حکام معاملے کو دیکھ رہے ہیں۔ 
اداکار راجپال یادیو نے دھمکیاں ملنے کے بعد اپنے  میسج میں کہا تھا میں نے سائبر کرائم ڈیپارٹمنٹ اور پولیس دونوں کو آگاہ کر دیا ہے اور اس کے بعد میں نے کسی سے بات نہیں کی۔ان کا مزید کہناتھا کہ اس واقعے کے بارے میں بات کرنا میرا کام نہیں ہے کیونکہ میں اس کے بارے میں کچھ نہیں جانتا ہوں۔