ملتان ٹیسٹ : پاکستانی ٹیم پہلی اننگز میں 154 رنز پر آؤٹ

دوسرے اور آخری ٹیسٹ میں ویسٹ انڈیز کے خلاف پاکستانی ٹیم پہلی اننگز میں 154 رنز بناکر آؤٹ ہوگئی۔

پاکستان اور ویسٹ انڈیز کےمابین کھیلے جانے والےدوسرے اور آخری ٹیسٹ میں پاکستانی بولرز نےکالی آندھی کی بیٹنگ کا بھرکس نکال دیا ،ویسٹ انڈیز کی پوری ٹیم محض 163 پر آل آؤٹ ہوگئی۔
پاکستان کی جانب سے شاندار باؤلنگ کا مظاہرہ کیا گیا،نعمان علی ٹیسٹ میں ہیٹ ٹرک کرنے والے پہلے پاکستانی اسپنر بن گئے، جنہوں نےاننگز میں چھ اور ساجد خان نے دو وکٹیں اڑائیں۔جبکہ کاشف علی اور ابرار احمد نےایک ایک وکٹ حاصل کی۔
 آٹھ وکٹیں گرنے کے بعد ویسٹ انڈیز کے ٹیل اینڈرزنے شاندار بیٹنگ کا مظاہرہ کیا۔ نویں نمبر پر بیٹنگ کرنے والے گداگیش موتی نے فائٹنگ ففٹی بنائی۔
ویسٹ انڈیز کی 9 ویں وکٹ 95 کے مجموعے پر گری جب نعمان علی نے کیمار روچ کو پویلین کی راہ دکھائی اور اپنی 5 وکٹیں مکمل کیں۔
ویسٹ انڈیز کی طرف سے گداکیش موتی 55 رنزبناکرنمایاں رہے جب کہ مہمان ٹیم کے 7 کھلاڑی ڈبل فیگر میں بھی داخل نہ ہوسکے اور 4 کھلاڑی صفر پر پویلین گئے۔
اس سے قبل ویسٹ انڈیز نے پاکستان کے خلاف کھیلے جانے والے دوسرے ٹیسٹ میچ ٹاس جیت کر پہلے بیٹنگ کرنے کا فیصلہ کیا تھا کو کہ درست ثابت نہیں ہوا۔
واضح رہے کہ 2 ٹیسٹ میچوں کی سیریز میں پاکستان کو 1-0کی برتری حاصل ہے، پاکستان نے ویسٹ انڈیز کو ملتان میں ہی کھیلے گئے پہلے میچ میں 127 رنز سے شکست دی تھی جب کہ پاکستان کی جانب سے تمام 20 وکٹیں اسپنرز نے حاصل کی تھیں۔