نعمان علی نے تاریخ رقم کر دی،ہیٹرک کرنے والے پہلے پاکستانی اسپنر بن گئے

ملتان:پاکستان اور ویسٹ انڈیز کے خلاف کھیلے جانے والے دوسرے ٹیسٹ میچ میں پاکستان کے اسپنر نعمان علی نے تاریخ رقم کر دی.
 نعمان علی پاکستان کی طرف سے ٹیسٹ میچ میں ہیٹرک کرنے والےپہلے اسپن باؤلر بن گئے۔
نعمان علی نے یہ کارنامہ پاکستان اور ویسٹ انڈیز کے خلاف ملتان میں کھیلے جارہے دوسرے ٹیسٹ میچ میں سر انجام دیا۔

 اسپنر نعمان علی نے کیون سنکلیئر، ٹیون املاچ اور جسٹن گریوز کی وکٹیں حاصل کیں۔

ملتان میں کھیلےجارہے دوسرے ٹیسٹ میچ کی پہلی اننگز میں کالی آندھی کی بیٹنگ لائن ریت کی دیوار ثابت ہوئی ،اور ان کے سات کھلاڑی محض 38 کے اسکور پر آؤٹ ہو گئے۔
اب سے کچھ دیر قبل تک ویسٹ انڈیز کا اسکور 7 وکٹوں پر 47 رنزہے۔
پاکستان کی جانب سے نعمان علی نے شاندار ہیٹرک کرتے ہوئے 4 جبکہ ساجد خان اور ڈیبیو کرنے والے کاشف علی نے بالترتیب 2 اور 1 وکٹ حاصل کی۔
خیال رہے کہ دو ٹیسٹ میچوں کی سیریز میں پاکستان کو ایک صفر کی سبقت حاصل ہے، پاکستان نے ویسٹ انڈیز کو ملتان میں ہی کھیلے گئے پہلے میچ میں 127 رنز سے شکست دی تھی، پاکستان کی جانب سے تمام 20 وکٹیں سپنرز نے حاصل کی تھیں۔