پنجاب حکومت نے کچے کے ڈاکوؤں کے سر کی قیمت کی دوسری فہرست جاری کردی

لاہور: صوبائی حکومت کی جانب سے کچے کے خطرناک ڈاکوؤں کے سر کی قیمتوں کی دوسری فہرست جاری کر دی۔
صوبائی محکمہ داخلہ پنجاب کی جانب سے جاری کردہ دوسری فہرست کے مطابق کچے کے ڈاکوؤں کے سر کی قیمت 50 لاکھ اور 25 لاکھ روپے مقرر کی گئی ہے۔
محکمہ داخلہ نے کچے کے 40 خطرناک ڈاکوؤں کے نام، تصاویر اور سر کی قیمت جاری کی گئی ہیں،جاری کردہ لسٹ میں 20 ڈاکوؤں کے سر کی قیمت 50 لاکھ اور 20 کی 25 لاکھ روپے مقرر کی گئی ہے۔
فہرست میں  50 لاکھ کی ہیڈ منی والے ڈاکوؤں میں حبیب ولد علی بخش، قربان ولد لُنگ، فرحت ولد برکت، عیسیٰ ولد مراد، متارا ولد میوہ شامل ہیں۔
جبکہ فہرست  میں دیگر شامل ڈاکوؤں میں ایوب عرف صداری ولد مراد، شیرا ولد وریام، عالمگیر ولد حاجی میر، غلام قادر عرف گمن ولد امداد، موج علی ولد اللہ دتہ، فیاض ولد تگیا، ہزارہ ولد میوہ، چھالو بکھرانی، وزیر الیاس بڑا، شاہو منڈا، ابراہیم ولد قطب، شاہد ولد خان محمد، منیر الیاس ولد اکبر، جمیل ولد قادر بخش اور عاشق ولد اصغر سر فہرست ہیں۔
اس کے علاوہ 25 لاکھ سر کی قیمت والے ڈاکوؤں میں یعقوب، شاہنواز، بشو، چھوٹو، عبدالستار، ملوک، دوست محمد، بہادر، ظفر عرف ظفر، شبیر، نواب، صابر دین، ستار، عبدالغنی، شاہ مراد، فوج علی، نذیر، یاسین، وقار اور حمزہ شامل ہیں۔
محکمہ داخلہ پنجاب نے پہلے بھی 20 خطرناک ڈاکوؤں کے سر کی قیمت ایک کروڑ روپے مقرر کر رکھی ہے۔
اس حوالے سے ترجمان محکمہ داخلہ نے شہریوں سے اپیل کرتے ہوئے کہا کہ ڈاکوؤں سے متعلق خفیہ اطلاع دینے کے لیے واٹس ایپ نمبر 03334002653 پر رابطہ کیا جا سکتا ہے، اطلاع دہندہ کا نام ہر صورت صیغہ راز میں رکھا جائے گا۔