کمر کی انجری کے بعد فاسٹ باؤلر کے لیے کم بیک کرنا آسان نہیں ہوتا:حسن علی

تفصیلات کے مطابق قومی کرکٹ ٹیم کے فاسٹ باؤلرحسن علی کا انجری کے بعد کم بیک کرتے ہوئے کہنا ہے  کہ مشکل وقت میں اہلخانہ اور بیوی نے بہت ساتھ دیا ، سابق کپتان  شعیب ملک اور سابق کرکٹر شاہد آفریدی نے بھی بہت حوصلہ افزائی کی جس پر سب کا شکر گزار ہوں ۔

حسن علی کا مزید کہنا تھا کہ فرسٹ کلاس کرکٹ میں متاثرکن کارکردگی نے میرے اعتماد میں اضافہ کیا اگر میں انٹرنیشنل کرکٹ کھیل سکتا ہوں تو یقیناَ میں کم بیک بھی کرسکتا ہوں۔  اگر ہم نیت اور محنت کرلیں تو کچھ بھی ناممکن نہیں اور میں اس کی تازہ ترین مثال ہوں۔  ہمیشہ سے ایک بہترین آل راؤنڈر بننا چاہتا تھا اور  خوشی ہے حالیہ پرفارمنس میری خواہش کو تقویت دے رہی ہے۔