لاہور سمیت پنجاب کے میدانی علاقوں میں دھند کا راج، موٹروےبند، فلائٹ آپریشن بھی متاثر

لاہور: لاہور سمیت پنجاب کے میدانی علاقوں میں دھند نےایک دفعہ پھر ڈیرے ڈال لیےہیں،دھند کی وجی سے حد نگاہ کم ہونے پر موٹرویر کو مختلف مقامات سے ٹریفیک کے لیے بند کر دیا گیا۔
 جبکہ شدید دھند کے باعث ائیر پورٹس پر فلائٹ شیڈول بھی بری طرح متاثر ہو کر رہ گیا۔
ترجمان موٹروے پولیس کے مطابق حد نگاہ انتہائی کم دھند کے باعث موٹروے کو مختلف مقامات سے بند کیا گیا ہے، موٹروے ایم 3 فیض پور سے ننکانہ صاحب تک دھند کی وجہ سے بند ہے،۔
ترجمان کے مطابق لاہور سیالکوٹ موٹروے ایم 11 اور موٹروے ایم 2 کو لاہور سے ہرن مینار تک حد نگاہ کم ہونے کی وجہ سے بند کردیاگیا۔
دوسری جانب دھند کے باعث علامہ اقبال انٹرنیشنل ایئرپورٹ پر فلائٹ آپریشن بھی متاثر ہے۔
ایوی ایشن ذرائع کے مطابق کراچی سے لاہور آنے والی نجی ایئر لائن کی پرواز 402 اور دبئی سے لاہور آنے والی نجی ایئر لائن کی پرواز 724 تاخیر کا شکار ہے، لاہور سے کراچی جانے والی نجی ایئرلائن کی پرواز 523 طیارے کی عدم دستیابی کے باعث اڑان نہیں بھر سکی۔