فیصل آبادمیں نامعلوم ملزمان کی کلینک پر فائرنگ سے ڈاکٹر قتل

فیصل آباد:فیصل آباد میں موٹر سائیکل سوار نامعلوم افراد نے کلینک پر فائرنگ کرکے ہومیو پیتھک ڈاکٹر کو قتل کردیا۔
فیصل آبادپولیس کے مطابق تھانہفائرنگ کا واقعہ بٹالہ کالونی کے علاقے بسم اللہ چوک میں پیش آیا ،جہاں ایک موٹرسائیکل پر سوار 2 نامعلوم افراد نے ڈاکٹر طاہر کے کلینک پر اندھا دھند فائرنگ کردی، جس کے نتیجے میں ہومیو پیتھک ڈاکٹر طاہر شدید زخمی ہوگیا، جسے الائیڈ اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔
پولیس نے لاش قبضہ میں لے کر پوسٹ مارٹم کے لئے منتقل کردی۔ 
پولیس حکام کا کہنا ہے کہ واقعہ کی وجوہات جاننے کلینک کے اطراف سے سی سی ٹی وی فوٹیج بھی حاصل کی جارہی ہے۔
پولیس کا کہنا ہے کہ ابتدائی تفتیش کے بعد مقدمہ درج کیا جائے گا۔