بھارتی ریاست گجرات میں یاتریوں کی بس 200 فٹ گہری کھائی میں جا گری، 7 افراد ہلاک

احمدآباد:بھارتی ریاست گجرات میں یاتریوں کی بس کو خوفناک حادثے کے بعد گہری کھائی میں جا گری جس کے نتیجے میں 7 افراد ہلاک جبکہ متعدد زخمی ہو گئے۔
بھارتی میڈیا رپورٹس کے مطابق بس حادثہ ریاست گجرات کے شہر ڈانگ میں پیش آیا جہاں یاتریوں سے بھری بس 200 میٹر گہری کھائی میں جاگری، جس کے نتیجے میں7 افراد ہلاک اور 15 زخمی ہو گئے۔
میڈیا رپورٹس کے مطابق حادثے کا شکار ہونے والی بس کمبھ میلے سے یاتریوں کے لے کر واپس آرہی تھی،حادثے کے نتیجے میں ہلاک ہونے  والوں اور زخمیوں میں مدھیہ پردیش کے گنا، شیو پوری اور اشوک نگر اضلاع کے لوگ شامل ہیں۔
پولیس حکام کے مطابق حادثے میں زخمی ہونے والے افراد کو طبی امداد کے لیے قریبی اسپتال منتقل کر دیا گیا ہے،جہاں ان کو بہتر طبی امداد دی جا رہی ہیں۔
 پولیس کی جانب سے کی جانے والی ابتدائی تحقیقات کےمطابق تیز رفتار بس ڈرائیور سے بے قابو ہوکر گہری کھائی جاگری،کھائی میں گرنے سے بس کے دو ٹکڑے ہوگئے۔
پولیس کا کہنا ہے کہ حادثے میں وقت بس میں 48 یاتری سوار تھے۔