نامور بھارتی گلوکار ادت نرائن شدید تنقید کی زد میں مگر کیوں؟

ممبئی:بالی وڈ کے مشہور اور سپر ہٹ گلو کار ادت نرائن آج کل سوشل میڈیا صارفین کے ہاتھوں شدید کی زد میں ہیں۔
بھارتی میڈیا رپورٹس کے مطابق گلوکار ادت نرائن کی حالیہ کنسرٹ میں خاتون مداح کے ساتھ قربت کی ویڈیو سوشل میڈیا پر وائرل ہوئی ہے جس کے بعد گلوکار کو شدید تنقید کا سامنا کرنا پڑرہا ہے۔
سوشل میڈیا پر وائرل ہونے والی ویڈیو میں اُدت نارائن کوایک خاتون مداح کے ساتھ سیلفی لیتے ہوئے اس کے گالوں پر بوسہ دیتے ہوئے بھی دیکھا جاسکتا ہے، اس کے بعد انہوں نے خاتون مداح کے ہونٹوں پر بھی بوسہ لیا۔
 اس واقعے نے سوشل میڈیا پر ہنگامہ برپا کردیا ہے اور لوگ مختلف قسم کا ردِعمل دے رہے ہیں۔
وائرل ویڈیو پر ردعمل دیتے ہوئے کئی صارفین کا کہنا ہے کہ اُدت نارائن کو اس طرح کا رویہ نہیں دکھانا چاہیے تھا، ان کا کہنا ہے کہ اس سے ان کی شادی شدہ زندگی پر بھی سوال اٹھتے ہیں۔
تاہم دوسری جانب، اُدت نارائن کا کہنا ہے کہ یہ سب محض مداحوں سے محبت کا اظہار تھا اور اس میں کچھ غلط نہیں ہے۔ ان کا کہنا ہے کہ مداحوں کی دیوانگی کو دیکھتے ہوئے انہوں نے ایسا کیا اور انہیں اس پر افسوس نہیں ہے۔
خیال رہے کہ ادت نرائن بالی وڈ کے مشہور اور سپر ہٹ گلوکار ہے ان مکی آواز نہ صرف بھارت بلکہ دنیا بھر میں سنی جاتی ہے، اُن کے گانے کئی ممالک میں مقبول ہیں اور وہ ایک بین الاقوامی سطح پر تسلیم شدہ پلے بیک سنگر کے طور پر جانے جاتے ہیں۔