ڈونلڈ ٹرمپ پر ٹیکس جرائم کے الزامات ، ٹرمپ کے سی ایف او نے گرفتاری دے دی

غیر ملکی خبر رساں ادارے کے مطابق   سابق صدر ٹرمپ کے لیے نیا قانونی پھندا، ٹرمپ آرگنائزیشن کے سی ایف او نے حکام کے سامنے سرنڈر کردیا ہے۔سابق صدر ٹرمپ  پر فوجداری اور ٹیکس جرائم کے الزامات ہیں، ٹرمپ کے سی ایف او نے گرفتاری دے دی ہے۔

ٹرمپ آرگنائزیشن کے سی ایف او کو آج مین ہٹن کی عدالت میں پیش کیا جائے  گا۔

وکیل صفائی کا کہنا ہے کہ  ٹرمپ  آرگنائزیشن کے سی ایف او ایلن ویزل برگ اقبال جرم کی بجائے الزامات کا سامنا کریں گے۔مین ہٹن کی گرینڈ جیوری نے ٹرمپ آرگنائزیشن کے ٹیکس جرائم پر فرد جرم عدالت میں جمع کرادی۔

ٹرمپ کے وکیل کا بیان میں کہنا ہے کہ سابق صدر پر فرد جرم عائد نہ کئے جانے کا امکان ہے۔جبکہ ٹرمپ آرگنائزیشن کا کہنا ہے کہ ایلن ویزل برگ  کو مین ہٹن کے پراسیکیوٹر  سابق صدر کے خلاف مہرے کے طور پر استعمال کر رہے ہیں۔